ਦੁਨੀਆਂ-ਭਰ ’ਚ ਬੋਲੀਆਂ ਜਾਣ ਵਾਲੀਆਂ ਭਾਸ਼ਾਵਾਂ ’ਚ ‘ਪੰਜਾਬੀ’ ਦਸਵੀਂ ਵੱਡੀ ਭਾਸ਼ਾ ਬਣੀ, ਸੰਯੁਕਤ ਰਾਸ਼ਟਰ ਨੇ ਕੀਤਾ ਇੰਕਸਾਫ਼


ਬਰਨਾਲਾ 25 ਜਨਵਰੀ (ਗੁਰਸੇਵਕ ਸਿੰਘ ਧੌਲਾ): ਹੁਣ ਤੱਕ ਪੰਜਾਬੀ ਲੁਪਤ ਹੁੰਦੀਆਂ ਭਾਸ਼ਾਵਾਂ ਵਿਚ ਸ਼ਾਮਲ ਹੋ ਜਾਣ ਕਾਰਨ ਪੈਦਾ ਕੀਤੇ ਜਾ ਰਹੇ ਸ਼ੰਕਿਆਂ ਨੂੰ ਰੋਕ ਲਗਾਉਂਦਿਆਂ ਸੰਯੁਕਤ ਰਾਸ਼ਟਰ ਦੁਆਰਾ ਇਸ ਭਾਸ਼ਾ ਨੂੰ ਦੁਨੀਆਂ ਦੀ 10ਵੀਂ ਸਭ ਤੋਂ ਜ਼ਿਆਦਾ ਬੋਲੀ ਜਾਣ ਵਾਲੀ ਭਾਸ਼ਾ ਐਲਾਨ ਕੀਤਾ ਹੈ। ਸੰਯੁਕਤ ਰਾਸ਼ਟਰ ਦੇ ਦੁਨੀਆਂ ਦੀਆਂ 6900 ਭਾਸ਼ਾਵਾਂ ਜੋ ਮਾਨਤਾ ਪ੍ਰਾਪਤ ਹਨ, ਦੇ ਪ੍ਰਾਪਤ ਕੀਤੇ ਗਏ ਅੰਕੜਿਆਂ ਤੋਂ ਇਹ ਤੱਥ ਕੱਢਿਆ ਗਿਆ ਹੈ ਕਿ ਦੁਨੀਆਂ ਦੇ 161 ਮੁਲਕਾਂ ਵਿਚ ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ 150 ਮਿਲੀਅਨ ਦੇ ਕਰੀਬ ਹੈ। ਇਸ ਮਹੱਤਵਪੂਰਨ ਐਲਾਨ ਨਾਲ ਕੁਝ ਲੋਕਾਂ ਵੱਲੋਂ ਮਹਿਸੂਸ ਕੀਤਾ ਜਾ ਰਿਹਾ ਇਹ ਤੌਖਲਾ ਕਿ ਪੰਜਾਬੀ ਭਾਸ਼ਾ ਦਿਨੋ-ਦਿਨ ਮਰ ਰਹੀ ਹੈ ਤੇ ਇਹ ਹੌਲੀ-ਹੌਲੀ ਖਤਮ ਹੋ ਜਾਏਗੀ, ਵੀ ਕਾਫੀ ਹੱਦ ਤੀਕ ਦੂਰ ਹੋ ਜਾਂਦਾ ਹੈ। ਸੰਯੁਕਤ ਰਾਸ਼ਟਰ ਸੰਘ ਦੇ ਮਾਹਿਰਾਂ ਨੇ ਵੱਖ-ਵੱਖ ਦੇਸ਼ਾਂ ਤੋਂ ਪ੍ਰਾਪਤ ਅੰਕੜਿਆਂ ਦੇ ਆਧਾਰ ’ਤੇ ਇਹ ਸਿੱਟਾ ਕੱਢਿਆ ਹੈ ਜੋ ਸਾਡੇ ਲਈ ਬੜੇ ਮਾਣ ਵਾਲੀ ਗੱਲ ਹੈ। ਸਾਰੇ ਕੈਨੇਡਾ ਵਿਚ ਪੰਜਾਬੀ ਭਾਸ਼ਾ ਛੇਵੀਂ ਸਭ ਤੋਂ ਜ਼ਿਆਦਾ ਬੋਲੀ ਜਾਣ ਵਾਲੀ ਭਾਸ਼ਾ ਹੈ। ਇਸ ਦੇ ਵੈਨਕੂਵਰ ਖਿੱਤੇ ਵਿਚ ਇਹ ਅੰਗਰੇਜ਼ੀ ਤੇ ਚੀਨੀ ਭਾਸ਼ਾ ਤੋਂ ਬਾਦ ਤੀਸਰੇ ਨੰਬਰ ’ਤੇ ਬੋਲੀ ਜਾਣ ਵਾਲੀ ਭਾਸ਼ਾ ਹੈ। ਉਥੋਂ ਦੇ ਸ਼ਹਿਰਾਂ ਸਰੀ ਤੇ ਐਬਟਸਫੋਰਡ ਵਿਚ ਤਾਂ ਇਸ ਦਾ ਦੂਸਰਾ ਸਥਾਨ ਹੈ। ਇਧਰ ਟੋਰਾਂਟੋ ਖੇਤਰ ਦੇ ਸ਼ਹਿਰਾਂ ਬਰੈਂਪਟਨ ਤੇ ਮਿੱਸੀਸਾਗਾ ਵਿਚ ਵੀ ਪੰਜਾਬੀਆਂ ਦੀ ਬਹੁ-ਗਿਣਤੀ ਹੋਣ ਕਾਰਨ ਇਥੇ ਇਹ ਦੂਸਰੀ ਭਾਸ਼ਾ ਬਣੀ ਹੋਈ ਹੈ। ਇਥੇ ਸਪਰਿੰਗਡੇਲ ਏਰੀਆ ਜਿਸ ਨੂੰ ਕਈ ਵਾਰੀ ਮਖੌਲ ਵਜੋਂ ‘ਸਿੰਘਡੇਲ‘ ਵੀ ਕਹਿ ਲਿਆ ਜਾਂਦਾ ਹੈ, ਵਿਚ ਇਸ ਦਾ ਦਰਜਾ ਦੂਜੀ ਭਾਸ਼ਾ ਤੋਂ ਵੀ ਕੁਝ ਵਧੇਰੇ ਜਾਪਦਾ ਹੈ, ਬੇਸ਼ਕ ਪਹਿਲੀ ਭਾਸ਼ਾ ਅੰਗਰੇਜ਼ੀ ਹੀ ਹੈ। ਪੰਜਾਬੀ-ਭਾਈਚਾਰੇ ਲਈ ਇਹ ਬੜੀ ਖੁਸ਼ੀ ਵਾਲੀ ਹੈ ਕਿ ਇਥੇ ਕੈਨੇਡਾ ਦੀ ਪਾਰਲੀਮੈਂਟ ਵਿਚ ਅੱਠ ਪੰਜਾਬੀ ਬੋਲਦੇ ਮੈਂਬਰ ਪਾਰਲੀਮੈਂਟ ਹਨ। ਬਰਿਟਿਸ਼ ਕੋਲੰਬੀਆ ਦੀ ਅਸੈਂਬਲੀ ਵਿਚ ਛੇ ਮੈਂਬਰ ਪੰਜਾਬੀ-ਭਾਸ਼ਾਈ ਹਨ ਤੇ ਇੰਜ ਹੀ ਕੈਲਗਰੀ, ਐਡਮਿੰਟਨ, ਵਿੱਨੀਪੈੱਗ ਤੇ ਮੌਂਟਰੀਅਲ ਵਗੈਰਾ ਵਿਚ ਵੀ ਪੰਜਾਬੀਆਂ ਦੀ ਸ਼ਮੂਲੀਅਤ ਹੈ। ਇਥੇ ਪੰਜਾਬੀ ਲੈਂਗੂਏਜ ਐਜੂਕੇਸ਼ਨ ਐਸੋਸੀਏਸ਼ਨ ਨੂੰ ਇਸ ਗੱਲ ਦਾ ਮਾਣ ਹਾਸਲ ਹੈ ਕਿ ਉਹ ਵੱਖ-ਵੱਖ ਸਕੂਲਾਂ, ਗੁਰਦੁਆਰਿਆਂ ਤੇ ਹੋਰ ਅਦਾਰਿਆਂ ਵਿਚ ਪੰਜਾਬੀ ਦੀਆਂ ਕਲਾਸਾਂ ਲਗਾ ਕੇ ਵਿਦਿਆਰਥੀਆਂ ਨੂੰ ਪੰਜਾਬੀ ਭਾਸਾ ਨਾਲ ਜੋੜ ਕੇ ਮਾਂ-ਬੋਲੀ ਦੀ ਸੇਵਾ ਕਰ ਰਹੀ ਹੈ। ਵੱਖ-ਵੱਖ ਸ਼ਹਿਰਾਂ ਵਿਚ ਬਣੀਆਂ ਪੰਜਾਬੀ ਸਾਹਿਤ ਸਭਾਵਾਂ ਵੀ ਆਪਣੀਆਂ ਸਾਹਿਤਕ ਗਤੀ-ਵਿਧੀਆਂ ਨਾਲ ਲੋਕਾਂ ਨੂੰ ਮਾਂ-ਬੋਲੀ ਨਾਲ ਜੋੜਨ ਵਿਚ ਆਪਣਾ ਪੂਰਾ ਯੋਗਦਾਨ ਪਾ ਰਹੀਆਂ ਹਨ। ਲੇਖਕਾਂ ਵੱਲੋਂ ਵੱਡੀ ਗਿਣਤੀ ਵਿਚ ਪੁਸਤਕਾਂ ਪੰਜਾਬੀ ਵਿਚ ਛਪਵਾਈਆਂ ਜਾ ਰਹੀਆਂ ਹਨ ਤੇ ਨਿਤ-ਦਿਨ ਇਨ੍ਹਾਂ ਦੀਆਂ ਘੁੰਡ-ਚੁਕਾਈਆਂ ਹੁੰਦੀਆਂ ਰਹਿੰਦੀਆਂ ਹਨ। ਪਬਲਿਕ ਲਾਇਬ੍ਰੇਰੀਆਂ ਵਿਚ ਵੀ ਪੰਜਾਬੀ ਪੁਸਤਕਾਂ ਕਾਫੀ ਗਿਣਤੀ ਵਿਚ ਮੌਜੂਦ ਹਨ। ਵੱਖ-ਵੱਖ ਗੁਰਦੁਆਰਾ ਸਾਹਿਬਾਨ ਵਿਚ ਵੀ ਲਾਇਬ੍ਰੇਰੀਆਂ ਬਣੀਆਂ ਹੋਈਆਂ ਹਨ ਜਿੱਥੇ ਧਾਰਮਿਕ ਤੇ ਸਾਹਿਤਕ ਪੁਸਤਕਾਂ ਪੰਜਾਬੀ ਵਿਚ ਪੜ੍ਹਨ ਨੂੰ ਮਿਲਦੀਆਂ ਹਨ।



ਆਨੰਦਪੁਰ ਸਾਹਿਬ ਵਿਖੇ ਸੰਤ ਦਾਦੂਵਾਲ ਦੀ ਅਗਵਾਈ ਹੇਠ ਸਿੱਖ ਜਥੇਬੰਦੀਆਂ ਨੇ ਮਿੱਤਲ ਵਿਰੁੱਧ ਕੱਢਿਆ ਵਿਸ਼ਾਲ ਰੋਸ ਮਾਰਚ
‘ਮਿਤਲ ਭਜਾਓ’, ਹਲਕਾ ਭਜਾਓ ਦੇ ਨਾਅਰਿਆਂ ਨਾਲ ਗੂੰਜੀ ਪੰਥਕ ਨਗਰੀ’

ਆਨੰਦਪੁਰ ਸਾਹਿਬ, 25 ਜਨਵਰੀ (ਵਿਸ਼ੇਸ਼ ਪ੍ਰਤਿਨਿਧ): ਖ਼ਾਲਸੇ ਦੀ ਜਨਮ ਭੂਮੀ ਤੇ ਪਵਿੱਤਰ ਨਗਰੀ ਆਨੰਦਪੁਰ ਸਾਹਿਬ ਵਿਖੇ ਪੰਥਕ ਸੇਵਾ ਲਹਿਰ ਦੀ ਮੁੱਖੀ ਸੰਤ ਬਲਜੀਤ ਸਿੰਘ ਦਾਦੂਵਾਲ ਦੀ ਅਗਵਾਈ ਹੇਠ ਭਾਜਪਾ ਆਗੂ ਮਦਨ ਮੋਹਨ ਮਿੱਤਲ ਦੀਆਂ ਸਿੱਖ ਵਿਰੋਧੀ ਨੀਤੀਆਂ ਦੇ ਖਿਲਾਫ਼ ਸਿੱਖ ਜਥੇਬੰਦੀਆਂ ਵੱਲੋਂ ਇੱਕ ਵਿਸ਼ਾਲ ਰੋਸ ਮਾਰਚ ਕੱਢਿਆ ਗਿਆ, ਜਿਸ ਵਿੱਚ ਇਲਾਕੇ ਦੀਆਂ ਸੰਗਤਾਂ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਨੌਜਵਾਨਾਂ ਨੇ ਹਿੱਸਾ ਲਿਆ। ਤਖ਼ਤ ਸ਼੍ਰੀ ਕੇਸਗੜ੍ਹ ਸਾਹਿਬ ਤੋਂ ਆਰੰਭ ਹੋਏ ਇਸ ਰੋਸ ਮਾਰਚ ਵਿੱਚ ਨੌਜਵਾਨਾਂ ਵੱਲੋਂ ਹੱਥਾਂ ਵਿੱਚ ਤਖ਼ਤੀਆਂ ਪਕੜੀਆਂ ਹੋਈਆਂ ਸਨ, ਜਿਹਨਾਂ ਉੱਤੇ ਲਿਖਿਆ ਹੋਇਆ ਸੀ ‘‘ਜਿਹੜੇ ਤਖ਼ਤ ਦੇ ਦੋਸ਼ੀ ਨੇ, ਵੋਟ ਉਹਨਾਂ ਨੂੰ ਨਹੀਂ ਪਾਉਣੀ’’ ਕੇਸਗੜੀ ਦੀ ਸੁਣੋ ਅਵਾਜ਼, ਪੰਥ ਦੋਖੀਆਂ ਨੂੰ ਦੇਵੋਂ ਭਾਂਜ’, ਜੇਕਰ ਮੁੱਛ ਬਚਾਉਣੀ ਹੈ, ਮਿੱਤਲ ਨੂੰ ਭਜਾਉਣਾ ਪਊ।’’ ਇਹ ਵਿਸ਼ਾਲ ਮਾਰਚ ਤਖ਼ਤ ਸ਼੍ਰੀ ਕੇਸਗੜ੍ਹ ਸਾਹਿਬ ਤੋਂ ਆਰੰਭ ਹੋਕੇ, ਤਖ਼ਤ ਸਾਹਿਬ ਵਾਲੀ ਮਾਰਕੀਟ ਤੋਂ ਹੁੰਦਾ ਹੋਇਆ, ਪੁਰਾਣਾ ਡਾਕਖਾਨਾ, ਗੁ.ਸੀਸ ਗੰਜ ਸਾਹਿਬ, ਮੇਨ ਬਜ਼ਾਰ ਆਨੰਦਪੁਰ ਸਾਹਿਬ, ਭਗਤ ਰਵਿਦਾਸ ਚੌਂਕ, ਕਲਗੀਧਰ ਮਾਰਕੀਟ, ਬੱਸ ਅੱਡਾ ਤੇ ਵੇਰਕਾ ਚੌਂਕ ਤੋਂ ਤਖ਼ਤ ਸ਼੍ਰੀ ਕੇਸਗੜ੍ਹ ਸਾਹਿਬ ਪਹੁੰਚ ਕੇ ਸਮਾਪਤ ਹੋਇਆ। ਇਸ ਵਿਸ਼ਾਲ ਰੋਸ ਮਾਰਚ ਵਿੱਦ ਭਾਈ ਹਰਪਾਲ ਸਿੰਘ ਪੰਚ ਪ੍ਰਧਾਨੀ, ਭਾਈ ਮੁਹਕਮ ਸਿੰਘ ਖ਼ਾਲਸਾ ਐਕਸ਼ਨ ਕਮੇਟੀ, ਭਾਈ ਸਤਨਾਮ ਸਿੰਘ ਪਾਉਾਂਟਾ ਾਹਿਬ, ਭਾਈ ਕੁਲਬੀਰ ਸਿੰਘ ਬੜਾ ਪਿੰਡ, ਮੈਂਬਰ ਸ਼੍ਰੋਮਣੀ ਕਮੇਟੀ, ਭਾਈ ਗੁਰਪਾਲ ਸਿੰਘ ਆਹਲੂਵਾਲੀਆ, ਸਿੱਖ ਨੌਜਵਾਨ ਸਭਾ ਆਨੰਦਪੁਰ ਸਾਹਿਬ, ਆਨੰਦਪੁਰ ਸਾਹਿਬ ਸੇਵਾ ਸੁਸਾਇਟੀ ਦੇ ਪ੍ਰਧਾਨ ਨਰਿੰਦਰ ਸਿੰਘ , ਉੱਘੇ ਸਮਾਜ ਸੇਵੀ ਤੇ ਨੌਜਵਾਨ ਆਗੂ ਗੁਰਿੰਦਰ ਸਿੰਘ ਬੰਟੀ ਵਾਲੀਆ ਤੇ ਵੱਡੀ ਗਿਣਤੀ ਵਿੱਚ ਨੌਜਵਾਨ ਵਰਗ ਨੇ ਹਿੱਸਾ ਲਿਆ। ਜ਼ਿਕਰਯੋਗ ਹੈ ਕਿ ਵਿਧਾਨ ਸਭਾ ਹਲਕਾ ਆਨੰਦਪੁਰ ਸਾਹਿਬ ਤੋਂ ਭਾਜਪਾ ਦੇ ਉਮੀਦਵਾਰ ਮਦਨ ਮੋਹਨ ਮਿੱਤਲ ਦੀਆਂ ਸਿੱਖ ਵਿਰੋਧੀ ਕਾਰਵਾਈਆਂ ਤੇ ਸਿੱਖ ਵਿਰੋਧੀ ਮਾਨਸਿਕਤਾ ਕਾਰਨ ਪਿਛਲੇ ਲੰਮੇ ਸਮੇਂ ਤੋਂ ਸਮੁੱਚੀਆਂ ਧਾਰਮਿਕ ਜਥੇਬੰਦੀਆਂ ਮਿੱਤਲ ਦੀ ਸਖ਼ਤ ਵਿਰੋਧਤਾ ਕਰਦੀਆਂ ਆ ਰਹੀਆਂ ਸਨ ਤੇ ਕੁੱਝ ਦਿਨ ਪਹਿਲਾਂ ਜਦੋਂ ਮਾਰਕੀਟ ਵਿਖੇ ਦਫ਼ਤਰ ਦੇ ਉਦਘਾਟਨ ਸਮੇਂ ਲੋਧੀਪੁਰ ਵਾਸੀ ਗੁਰਦੇਵ ਸਿੰਘ ਵੱਲੋਂ ਆਪਣੀ ਗਲੀ ਨਾ ਬਣਾਏ ਜਾਣ ਸਬੰਧੀ ਸ਼੍ਰੀ ਮਿੱਤਲ ਨੂੰ ਜਾਣੂੰ ਕਰਵਾਉਣਾ ਚਾਹਿਆ ਤਾਂ ਸ਼੍ਰੀ ਮਿੱਤਲ ਵੱਲੋਂ ਕਥਿਤ ਤੌਰ ਤੇ ਇਹ ਆਖਿਆ ਜਾਣਾ ਕਿ ਪਹਿਲਾਂ ਆਪਣੀਆਂ ਮੁੱਛਾਂ ਨੀਵੀਆਂ ਕਰ, ਫੇਰ ਅੱਖ ਨੀਵੀਂ ਕਰਕੇ ਗੱਲ ਕਰੇ ਦਾ ਸਖ਼ਤ ਨੋਟਿਸ ਲੈਂਦਿਆਂ ਉਪਰੋਕਤ ਸਿੱਖ ਜਥੇਬੰਦੀਆਂ ਵੱਲੋਂ ਸ਼੍ਰੀ ਮਿੱਤਲ ਦੀ ਵਿਰੋਧਤਾ ਦਾ ਐਲਾਨ ਕੀਤਾ ਗਿਆ ਸੀ। ਉਸੇ ਵਿਰੋਧਤਾ ਦੇ ਚਲਦੇ ਅੱਜ ਵਿਸ਼ਾਲ ਰੋਸ ਮਾਰਚ ਕੱਢਦੇ ਹੋਏ ਸਿੱਖ ਦਰਦੀਆਂ ਤੇ ਜਾਗਦੀ ਜਮੀਰ ਵਾਲੇ ਸਿੱਖ ਵੋਟਰਾਂ ਨੂੰ ਸਿੱਖਵਿਰੋਧੀ ਕਾਰਵਾਈਆਂ ਕਰਨ ਦੇ ਕਥਿਤ ਦੋਸ਼ੀ ਮਿੱਤਲ ਨੂੰ ਹਰਾਉਣ ਦਾ ਇਹਨਾਂ ਸਿੱਖ ਜਥੇਬੰਦੀਆਂ ਵੱਲੋਂ ਸੱਦਾ ਦਿੱਤਾ ਗਿਆ। ਇਸ ਮਾਰਚ ਵਿੱਚ ਜੋਗਿੰਦਰ ਸਿੰਘ, ਰਣਜੋਧ ਸਿੰਘ ਜੋਧਾ, ਹਰਵਿੰਦਰ ਸਿੰਘ, ਕਰਨੈਲ ਸਿੰਘ, ਹਰਬੰਸ ਸਿੰਘ, ਅਵਤਾਰ ਸਿੰਘ, ਗੁਰਦੀਪ ਸਿੰਘ, ਨਿਰਮਲ ਸਿੰਘ, ਜਗਜੀਤ ਸਿੰਘ, ਕਰਨਬੀਰ ਸਿੰਘ, ਅਮਰਜੀਤ ਸਿੰਘ ਤੇ ਵੱਡੀ ਗਿਣਤੀ ਵਿੱਚ ਨੌਜਵਾਨ ਹਾਜ਼ਰ ਸਨ।



ਗੱਟਿਆਂ ’ਚ ਭਰੇ ਨੋਟਾਂ ਵਾਲੀ ਇਨੋਵਾ ਆਖਿਰ ਗਾਇਬ ਹੋਈ ਕਿਥੇ?


ਬਠਿੰਡਾ, 25 ਜਨਵਰੀ (ਅਵਤਾਰ ਸਿੰਘ ਕੈਂਥ): ਸ਼੍ਰੋਮਣੀ ਕਮੇਟੀ ਮੈਂਬਰ ਦਿਆਲ ਸਿੰਘ ਕੋਲਿਆਂਵਾਲੀ ਦੇ ਘਰ ਅੱਜ ਇਨਕਮਟੈਕਸ ਵਿਭਾਗ ਅਤੇ ਚੋਣ ਕਮਿਸ਼ਨ ਵੱਲੋਂ ਕੀਤੀ ਗਈ ਅਚਾਨਕ ਛਾਪੇਮਾਰੀ ਨੇ ਪੂਰੇ ਪੰਜਾਬ ਦੀ ਸਿਆਸਤ ਵਿਚ ਹੜਕੰਮ ਮਚਾ ਦਿੱਤਾ ਹੈ ਭਾਵੇਂ ਕਿ ਅਧਿਕਾਰੀਆਂ ਵੱਲੋਂ ਇਸ ਛਾਪੇਮਾਰੀ ਦੌਰਾਨ ਕਿਸੇ ਵੱਡੀ ਬਰਾਮਦਗੀ ਦਾ ਖੁਲਾਸਾ ਨਹੀ ਕੀਤਾ ਗਿਆ ਹੈ ਪਰ ਇਲਾਕੇ ਵਿਚ ਚਰਚਾ ਹੈ ਕਿ ਨੋਟਾਂ ਦੇ ਭਰੇ ਗੱਟਿਆਂ ਨਾਲ ਭਰੀ ਹੋਈ ਇਕ ਇਨੋਵਾ ਕਾਰ ਜੋ ਕਿ ਅੱਜ ਸਵੇਰੇ ਹੀ ਬਠਿੰਡਾ ਤੋਂ ਮੁੱਖ ਮੰਤਰੀ ਬਾਦਲ ਦੇ ਜੱਦੀ ਹਲਕੇ ਲੰਬੀ ਵਲ ਨੂੰ ਰਵਾਨਾ ਹੋਈ ਦੱਸੀ ਜਾਂਦੀ ਹੈ ਉਹ ਆਖਿਰ ਕਿਥੇ ਗਾਇਬ ਹੋ ਗਈ ? ਇਸ ਕਾਰ ਦੀ ਸੁਧ ਬੁਧ ਲੈਣ ਲਈ ਬਠਿੰਡਾ ਦਾ ਖੁਫੀਆ ਵਿਭਾਗ ਵੀ ਪੱਬਾਂ ਭਾਰ ਹੋਇਆ ਫਿਰਦਾ ਰਿਹਾ । ਮਿਲੀ ਜਾਣਕਾਰੀ ਅਨੁਸਾਰ ਮੁੱਖ ਮੰਤਰੀ ਬਾਦਲ ਵੀ ਅੱਜ ਸਵੇਰੇ 8.30 ਵਜੇ ਬਠਿੰਡਾ ਵਿਖੇ ਹੀ ਸਨ ਤੇ ਸ਼ਹਿਰ ਵਿਚ ਇਹ ਚਰਚਾ ਉਸ ਵਕਤ ਹੀ ਸ਼ੁਰੂ ਹੋ ਗਈ ਕਿ ਨੋਟਾਂ ਦੇ ਭਰੇ ਤਿੰਨ ਗੱਟਿਆਂ ਵਾਲੀ ਇਨੋਵਾ ਕਾਰ ਇਹਨਾਂ ਦੀ ਜਾਣਕਾਰੀ ਵਿਚ ਹੀ ਲੰਬੀ ਨੂੰ ਰਵਾਨਾ ਹੋਈ ਹੈ । ਇਸ ਸਬੰਧੀ ਖੁਫੀਆ ਵਿਭਾਗ ਤੇ ਪੱਤਰਕਾਰਾਂ ਵਿਚ ਚਰਚਾ ਬਨੀ ਰਹੀ ਅਤੇ ਦੇਰ ਰਾਤ ਤੱਕ ਸੁੰਦਗਾਂ ਲੈਂਦੇ ਰਹੇ ਪਰ ਕੋਈ ਠੋਸ ਤੱਤ ਸਾਹਮਣੇ ਨਾ ਆਇਆ। ਇਹ ਇਨੋਵਾ ਗੱਡੀ ਵੀ ਚਰਚਾ ਦਾ ਵਿਸ਼ਾ ਬਨੀ ਰਹੀ । ਇਸ ਮਾਮਲੇ ਸਬੰਧੀ ਖੁਫੀਆ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਉਹਨਾਂ ਨੂੰ ਇਸ ਸਬੰਧੀ ਪੂਰੀ ਜਾਣਕਾਰੀ ਨਹੀ ਹੈ ਜਾਂ ਉਹਨਾਂ ਨੇ ਜਾਣਕਾਰੀ ਦੇਣਾ ਠੀਕ ਨਹੀ ਸਮਝਿਆ ।



ਰਾਹੁਲ ਗਾਂਧੀ ਨੇ ਕੈਪਟਨ ਨੂੰ ਪੰਜਾਬ ਦਾ ਭਾਵੀ ਮੁੱਖ ਮੰਤਰੀ ਐਲਾਨਿਆ
ਅਕਾਲੀ-ਭਾਜਪਾ ਸਰਕਾਰ ਦੀਆਂ ਗਲਤ ਨੀਤੀਆਂ ਕਾਰਨ ਪੰਜਾਬ ਦਾ ਵਿਕਾਸ ਰੁਕਿਆ : ਰਾਹੁਲ
 
ਫ਼ਿਰੋਜ਼ਪੁਰ, 25 ਜਨਵਰੀ (ਪ.ਪ.): ਵਿਧਾਨ ਸਭਾ ਹਲਕਾ ਫ਼ਿਰੋਜ਼ਪੁਰ ਸ਼ਹਿਰ ਜਨਰਲ ਤੋਂ ਪਰਮਿੰਦਰ ਸਿੰਘ ਪਿੰਕੀ ਅਤੇ ਫ਼ਿਰੋਜ਼ਪੁਰ ਦਿਹਾਤੀ ਤੋਂ ਸਤਿਕਾਰ ਕੌਰ ਦੀ ਚੋਣ ਮੁਹਿੰਮ ਨੂੰ ਉਸ ਵੇਲੇ ਭਾਰੀ ਹੁਲਾਰਾ ਮਿਲਿਆ ਜਦੋਂ ਅੱਜ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਅਤੇ ਇੰਡੀਅਨ ਨੈਸ਼ਨਲ ਕਾਂਗਰਸ ਦੇ ਜਨਰਲ ਸਕੱਤਰ ਰਾਹੁਲ ਗਾਂਧੀ ਉਨ੍ਹਾਂ ਵੱਲੋਂ ਰੱਖੀ ਵਿਸ਼ਾਲ ਚੋਣ ਰੈਲੀ ਨੂੰ ਸੰਬੋਧਨ ਕੀਤਾ। ਆਪਣੇ ਸੰਬੋਧਨ ਵਿਚ ਸ੍ਰੀ ਰਾਹੁਲ ਗਾਂਧੀ ਨੇ ਕਿਹਾ ਕਿ ਪੰਜਾਬ ਦੀ ਅਕਾਲੀ-ਭਾਜਪਾ ਗੱਠਜੋੜ ਸਰਕਾਰ ਪੰਜਾਬ ਨੂੰ ਕੈਲੇਫੋਰਨੀਆਂ ਸਟੇਟ ਵਰਗਾ ਸੂਬਾ ਬਨਾਉਣ ਦੇ ਦਾਅਵੇ ਕਰਦੀ ਆ ਰਹੀਂ ਹੈ, ਪਰ ਅਕਾਲੀ-ਭਾਜਪਾ ਗੱਠਜੋੜ ਨੇ ਪੰਜਾਬ ਨੂੰ ਕੈਲੇਫੋਰਨੀਆਂ ਤਾਂ ਕੀ ਬਨਾਉਣਾ ਸਗੋਂ ਪੰਜਾਬ ਦੀ ਜਵਾਨੀ ਨੂੰ ਨਸ਼ਿਆਂ ਦੀ ਦਲਦਲ ਵਿਚ ਧੱਕ ਦਿੱਤਾ ਗਿਆ ਹੈ ਅਤੇ ਪੰਜਾਬ ਦੀ ਜਵਾਨੀ ਬਰਬਾਦੀ ਦੇ ਕੰਢੇ ’ਤੇ ਖੜ੍ਹੀ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਰੁਜ਼ਗਾਰ ਗਾਰੰਟੀ ਅਧਿਕਾਰ (ਨਰੇਗਾ) ਤਹਿਤ ਹਰ ਮਜ਼ਦੂਰ ਨੂੰ 12000 ਰੁਪਏ, ਗੁਰੂ ਗੋਬਿੰਦ ਸਿੰਘ ਰਿਫਾਇਨਰੀ 18000 ਕਰੋੜ ਰੁਪਏ ਦਿੱਤੇ ਗਏ ਅਤੇ ਦੇਸ਼ ਦੇ ਕਿਸਾਨਾਂ ਦਾ 60000 ਕਰੋੜ ਰੁਪਏ ਦਾ ਕਰਜਾ ਮੁਆਫ ਕੀਤਾ ਅਤੇ ਸਿੱਖਿਆ ਦੇ ਲਈ 3400 ਕਰੋੜ ਰੁਪਏ ਭੇਜਿਆ ਗਿਆ। ਸੈਂਟਰਲ ਯੂਨੀਵਰਸਿਟੀ ਬਠਿੰਡਾ, ਸ੍ਰੀ ਅੰਮ੍ਰਿਤਸਰ ਕੋਰੀਡੋਰ ਅਤੇ ਹੋਰ ਅਨੇਕਾਂ ਪ੍ਰਾਜੈਕਟਾਂ ਲਈ ਕਰੋੜਾਂ ਰੁਪਏ ਦੀਆਂ ਗਰਾਂਟਾਂ ਪੰਜਾਬ ਸਰਕਾਰ ਨੂੰ ਜਾਰੀ ਕੀਤੀਆਂ ਗਈਆਂ। ਅਸੀਂ ਜੋ ਕਰ ਸਕਦੇ ਸੀ ਕੀਤਾ, ਪਰ ਤੁਹਾਡੀ ਮਿਹਨਤ ਦਾ ਪੈਸਾ ਪੰਜਾਬ ਸਰਕਾਰ ਵੱਲੋਂ ਤੁਹਾਡੇ ਕੋਲ ਸਹੀ ਢੰਗ ਨਾਲ ਨਹੀਂ ਭੇਜਿਆ ਗਿਆ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਬਣੀ ਤਾਂ ਪੰਜਾਬ ਸਰਕਾਰ ਦੀ ਸ਼ਿਫਾਰਿਸ਼ ’ਤੇ ਭਾਰਤ-ਪਾਕਿ ਸੀਮਾ ’ਤੇ ਲਗਾਈ ਕੰਡਿਆਲੀ ਤਾਰ ਦੇ ਪਾਰ ਪੈਂਦੀਆਂ ਜ਼ਮੀਨਾਂ ਦਾ ਕਿਸਾਨਾਂ ਨੂੰ ਪ੍ਰਤੀ ਏਕੜ 25000 ਰੁਪਏ ਮੁਆਵਜ਼ਾ ਦਿੱਤਾ ਜਾਵੇਗਾ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਜਦੋਂ ਮੈਂ ਗ਼ਰੀਬ ਮਜ਼ਦੂਰਾਂ ਦੇ ਘਰ ਪਿੰਡਾਂ ਵਿਚ ਜਾ ਕੇ ਬੈਠਦਾ ਹਾਂ ਤਾਂ ਵਿਰੋਧੀ ਕਹਿੰਦੇ ਹਨ ਕਿ ਰਾਹੁਲ ਪਾਗਲ ਹੋ ਗਿਆ ਹੈ, ਜਦੋਂ ਕਿ ਮੈਂ ਗ਼ਰੀਬ ਭਾਰਤੀਆਂ ਦੇ ਜੀਵਨ ਨੂੰ ਨੇੜਿਓਂ ਦੇਖ ਕੇ ਉਨ੍ਹਾਂ ਨੂੰ ਉਚਾ ਚੁੱਕਣ ਦਾ ਯਤਨ ਕਰ ਰਿਹਾ ਹਾਂ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਧਿਰ ਨੇ ਕਦੇ ਵੀ ਬੇਰੁਜ਼ਗਾਰੀ, ਭ੍ਰਿਸ਼ਟਾਚਾਰ ਅਤੇ ਗ਼ਰੀਬੀ ਖਤਮ ਕਰਨ ਦੀ ਗੱਲ ਨਹੀਂ ਕੀਤੀ। ਉਨ੍ਹਾਂ ਕਿਹਾ ਕਿ ਜਦੋਂ ਅਸੀਂ ਦੇਸ਼ ਵਿਚੋਂ ਗ਼ਰੀਬੀ, ਬੇਰੁਜ਼ਗਾਰੀ ਅਤੇ ਕਿਸਾਨਾਂ, ਮਜ਼ਦੂਰਾਂ ਦੇ ਹੱਕਾਂ ਦੀ ਗੱਲ ਕਰਦੇ ਹਾਂ ਅਤੇ ਉਨ੍ਹਾਂ ਦਾ ਜੀਵਨ ਪੱਧਰ ਉਚਾ ਚੁੱਕਣ ਲਈ ਕਹਿੰਦੇ ਹਾਂ ਤਾਂ ਵਿਰੋਧੀ ਧਿਰ ਪੈਸਾ ਕਿੱਥੋਂ ਆਉਣ ਦਾ ਸਵਾਲ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬੀ ਕਿਸਾਨ ਸਾਰੇ ਦੇਸ਼ ਦੇ ਲੋਕਾਂ ਦਾ ਢਿੱਡ ਭਰਦਾ ਹੈ। ਦੇਸ਼ ਨੂੰ ਵਿਦੇਸ਼ੀ ਤਾਕਤਾਂ ਦੇ ਖਤਰੇ ਤੋਂ ਬਚਾਉਣ ਲਈ ਹਿੱਕ ਡਾਹ ਕੇ ਲੜਦਾ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਪੰਜਾਬ ਵਿਚ ਵੱਧ ਤੋਂ ਵੱਧ ਪੈਸਾ ਭੇਜਿਆ ਗਿਆ ਹੈ, ਪਰ ਪੰਜਾਬ ਦੀ ਅਕਾਲੀ-ਭਾਜਪਾ ਗੱਠਜੋੜ ਨੇ ਇਸ ਨੂੰ ਸਹੀ ਢੰਗ ਨਾਲ ਨਾ ਵਰਤਣ ਕਾਰਨ ਇਹ ਲੋਕਾਂ ਤੱਕ ਪੂਰੀ ਤਰ੍ਹਾਂ ਨਹੀਂ ਪਹੁੰਚ ਸਕਿਆ। ਉਨ੍ਹਾਂ ਦਾ ਦਾਅਵਾ ਕੀਤਾ ਕਿ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਹੀ ਬਣੇਗੀ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੋਣਗੇ। ਇਸ ਮੌਕੇ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਨਿਸ਼ਾਨਾ ਬਣਾਉਂਦਿਆਂ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਦੋਵਾਂ ਪਿਓ-ਪੁੱਤਰ ਬਾਦਲਾਂ ਨੇ ਪੰਜਾਬ ਵਿਚ ਰੱਜ ਕੇ ਭ੍ਰਿਸ਼ਟਾਚਾਰ ਕੀਤਾ। ਕਾਂਗਰਸੀ ਵਰਕਰਾਂ ’ਤੇ ਨਜਾਇਜ਼ ਪਰਚੇ ਕੀਤੇ। ਕੇਬਲ ਨੈਟਵਰਕ ’ਤੇ ਅਸਿੱਧੇ ਰੂਪ ਵਿਚ ਕਬਜ਼ਾ ਅਤੇ ਰੇਤ ਮਾਫੀਆ ਪੈਦਾ ਕਰਕੇ ਮੋਟੇ ਪੈਸੇ ਬਟੋਰੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਆਉਣ ’ਤੇ ਪੰਜਾਬ ਵਿਚ ਤਿੰਨ ਕੈਂਸਰ ਹਸਪਤਾਲ, ਪੰਜ ਮੈਡੀਕਲ ਕਾਲਜ ਅਤੇ ਤਿੰਨ ਮਲਟੀ ਸਪੈਸਲਿਸਟ ਹਸਪਤਾਲ ਉਸਾਰੇ ਜਾਣਗੇ, ਜਿੱਥੇ ਗ਼ਰੀਬ, ਮਜ਼ਦੂਰ ਅਤੇ ਕਿਸਾਨਾਂ ਦਾ ਮੁਫਤ ਇਲਾਜ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਬੁਢਾਪਾ ਪੈਨਸ਼ਨਾਂ ਦੁੱਗਣੀਆਂ ਕੀਤੀਆਂ ਜਾਣਗੀਆਂ। ਉਨ੍ਹਾਂ ਭਾਰੀ ਇਕੱਠ ਵਿਚ ਜੁੜੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਤੁਸੀਂ ਪਰਮਿੰਦਰ ਸਿੰਘ ਪਿੰਕੀ, ਸਤਿਕਾਰ ਕੌਰ ਅਤੇ ਜ਼ਿਲ੍ਹੇ ਦੇ ਹੋਰ ਕਾਂਗਰਸੀ ਉਮੀਦਵਾਰਾਂ ਨੂੰ ਚੋਣਾਂ ਵਿਚ ਜਿਤਾਉ ਅਤੇ ਫ਼ਿਰੋਜ਼ਪੁਰ ਜ਼ਿਲ੍ਹੇ ਦਾ ਵਿਕਾਸ ਕਰਵਾਉਣਾ ਉਨ੍ਹਾਂ ਦੇ ਜ਼ਿੰਮੇ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ 30 ਜਨਵਰੀ ਨੂੰ ਪੰਜੇ ਦੇ ਨਿਸ਼ਾਨ ’ਤੇ ਮੋਹਰਾਂ ਲਗਾ ਕੇ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਬਣਾਓ ਤਾਂ ਜੋ ਅਕਾਲੀਆਂ ਦੇ ਗੁੰਡਾ ਰਾਜ ਤੋਂ ਤੁਸੀ ਮੁਕਤ ਹੋ ਸਕੋ। ਇਸ ਮੌਕੇ ਪਰਮਿੰਦਰ ਸਿੰਘ ਪਿੰਕੀ ਉਮੀਦਵਾਰ ਫ਼ਿਰੋਜ਼ਪੁਰ ਸ਼ਹਿਰ, ਸਤਿਕਾਰ ਕੌਰ, ਨਰੇਸ਼ ਕਟਾਰੀਆ, ਅਨੂਪ ਸਿੰਘ ਪ੍ਰਧਾਨ ਜ਼ਿਲ੍ਹਾ ਕਾਂਗਰਸ ਕਮੇਟੀ, ਰਣਬੀਰ ਸਿੰਘ ਭੁੱਲਰ ਸੀਨੀਅਰ ਯੂਥ ਕਾਂਗਰਸੀ ਆਗੂ, ਗੁਰਨੈਬ ਸਿੰਘ ਬਰਾੜ ਸਾਬਕਾ ਜ਼ਿਲ੍ਹਾ ਪ੍ਰਧਾਨ, ਧਰਮਜੀਤ ਸਿੰਘ ਹਾਂਡਾ ਵਾਲੇ, ਬਿੱਟੂ ਸਾਂਘਾ, ਚਮਕੌਰ ਸਿੰਘ ਢੀਂਡਸਾ, ਅਸ਼ੋਕ ਕੁਮਾਰ ਗੁਪਤਾ ਤੋਂ ਇਲਾਵਾ ਹੋਰ ਵੀ ਕਾਂਗਰਸੀ ਆਗੂ ਹਾਜ਼ਰ ਸਨ।



ਸ਼੍ਰੋਮਣੀ ਕਮੇਟੀ ਮੈਂਬਰ ਦਿਆਲ ਸਿੰਘ ਕੋਲਿਆਂ ਵਾਲੀ ਦੇ ਘਰ ਇੰਨਕਮ ਟੈਕਸ ਦਾ ਛਾਪਾ

 
ਮਲੋਟ/ਬਠਿੰਡਾ, 25 ਜਨਵਰੀ (ਅਵਤਾਰ ਸਿੰਘ ਕੈਂਥ): ਵਿਧਾਨ ਸਭਾ ਚੋਣਾਂ 2012 ਲਈ ਮੁੱਖ ਮੰਤਰੀ ਦੇ ਜੱਦੀ ਹਲਕੇ ਲੰਬੀ ਵਿਚ ਉਸ ਵਕਤ ਰਾਜਨੀਤਕ ਸਰਗਰਮੀਆਂ ਵਿਚ ਹਾਹਾਕਾਰ ਮੱਚ ਗਈ ਜਦ ਇਨਕਮਟੈਕਸ ਵਿਭਾਗ ਅਤੇ ਚੋਣ ਕਮਿਸ਼ਨਰ ਦੀ ਸਪੈਸ਼ਲ ਟੀਮ ਵੱਲੋਂ ਅਚਨਚੇਤ ਹੀ ਬਾਦਲ ਪਰਿਵਾਰ ਦੇ ਅਤਿਅੰਤ ਨਜਦੀਕੀ ਜਾਣੇ ਜਾਂਦੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਕਾਰਜਕਾਰੀ ਮੈਂਬਰ ਜਥੇਦਾਰ ਦਿਆਲ ਸਿੰਘ ਕੋਲਿਆਂਵਾਲੀ ਦੇ ਘਰ ਛਾਪਾ ਮਾਰਿਆ ਗਿਆ । ਇਹਨਾਂ ਅਧਿਕਾਰੀਆਂ ਦੇ ਨਾਲ ਵੱਡੀ ਗਿਣਤੀ ਵਿਚ ਸੁਰੱਖਿਆ ਦਸਤੇ ਵੀ ਮੌਜੂਦ ਸਨ ਅਤੇ ਇਹਨਾਂ ਵੱਲੋਂ ਦਿਆਲ ਸਿੰਘ ਦੀ ਕੋਠੀ ਦੇ ਚਾਰੋਂ ਤਰਫ ਤੋਂ ਘੇਰਾ ਪਾ ਲਿਆ ਗਿਆ ਤੇ ਅੰਦਰੋਂ ਬਾਹਰੋਂ ਪਰਿੰਦਾ ਵੀ ਪਰ ਨਹੀ ਮਾਰ ਸਕਦਾ ਸੀ । ਕੋਠੀ ਦੇ ਅੰਦਰ ਸਿਰਫ ਅਧਿਕਾਰੀਆਂ ਨਾਲ ਜਥੇਦਾਰ ਦਿਆਲ ਸਿੰਘ ਹੀ ਮੌਜੂਦ ਹਨ ਤੇ ਬਾਕੀ ਸਾਰੇ ਕਰਿੰਦੇ ਵੀ ਬਾਹਰ ਭੇਜ ਦਿੱਤੇ ਗਏ। ਜਿਓਂ ਹੀ ਇਸ ਕਾਰਵਾਈ ਦੀ ਖਬਰ ਦਿਆਲ ਸਿੰਘ ਦੇ ਸਮਰਥਕਾਂ ਨੂੰ ਮਿਲ ਰਹੀ ਸੀ ਉਹ ਵਹੀਰਾਂ ਘੱਤ ਕੇ ਜੱਥੇਦਾਰ ਦਿਆਲ ਸਿੰਘ ਢਾਣੀ ਇਕੱਠੇ ਹੋਣੇ ਸੁਰੂ ਹੋ ਗਏ । ਇਸੇ ਦੌਰਾਣ ਮੌਕੇ ਤੇ ਮੌਜੂਦ ਪੱਤਰਕਾਰਾਂ ਨੇ ਇਸ ਸੰਬਧੀ ਮੁੱਖ ਮੰਤਰੀ ਪੰਜਾਬ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਨਾਲ ਫੋਨ ਤੇ ਗੱਲਬਾਤ ਕੀਤੀ ਤਾਂ ਉਹਨਾਂ ਇਸ ਕਾਰਵਾਈ ਨੂੰ ਕੇਂਦਰ ਦੀ ਕਾਂਗਰਸ ਸਰਕਾਰ ਅਤੇ ਕੈਪਟਨ ਦੀ ਸ਼ਾਜਿਸ ਕਰਾਰ ਦਿੱਤਾ। ਦੇਰ ਰਾਤ ਤਕ ਜਥੇਦਾਰ ਦੇ ਘਰ ਦੀ ਇਕ ਇਕ ਚੀਜ ਨੂੰ ਖੰਗਾਲਿਆ ਗਿਆ । ਕਈ ਘੰਟੇ ਚੱਲੀ ਇਸ ਕਾਰਵਾਈ ਤੋਂ ਬਾਅਦ ਆਈ ਹੋਏ ਅਧਿਕਾਰੀਆਂ ਨੇ ਮੌਕੇ ਤੇ ਮੌਜੂਦ ਪੱਤਰਕਾਰਾਂ ਨੂੰ ਜਾਣਕਾਰੀ ਦੇਣ ਤੋਂ ਕੋਰਾ ਇਨਕਾਰ ਕਰ ਦਿੱਤਾ । ਸਵੇਰ ਤੋਂ ਸ਼ੁਰੂ ਹੋਈ ਇਹ ਕਾਰਵਾਈ ਜਦ ਸ਼ਾਮ ਦੇ ਕਰੀਬ 6.30 ਵਜੇ ਸਮਾਪਤ ਹੋਈ ਤਾਂ ਇਹ ਅਧਿਕਾਰੀ ਬਿਨਾ ਕਿਸੇ ਜਾਣਕਾਰੀ ਦਿੱਤੇ ਆਪਣੀਆਂ ਗੱਡੀਆਂ ਲੈ ਕੇ ਉਥੋਂ ਚਲਦੇ ਬਨੇ । ਇਸ ਸਬੰਧੀ ਜਥੇਦਾਰ ਦਿਆਲ ਸਿੰਘ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਕਿਹਾ ਕਿ ਉਸਦੇ ਘਰੋਂ ਕੁਝ ਵੀ ਬਰਾਮਦ ਨਹੀ ਹੋਇਆ ਪਰ ਦੂਸਰੇ ਪਾਸੇ ਪੂਰੇ ਦੇਸ਼ ਵਿਚ ਅਫ਼ਵਾਹਾਂ ਦਾ ਬਜਾਰ ਗਰਮ ਸੀ ਕਿ ਜੱਥੇਦਾਰ ਦਿਆਲ ਸਿੰਘ ਕੋਲੋਂ ਕਰੋੜਾਂ ਦੀ ਨਗਦੀ, ਸ਼ਰਾਬ ਤੇ ਭੁੱਕੀ ਬਰਾਮਦ ਕੀਤੀ ਗਈ ਹੈ। ਪਰ ਭਰੋਸੇਯੋਗ ਸੂਤਰਾਂ ਤੋਂ ਪਤਾ ਲੱਗਿਆ ਹੈ ਕਿ ਜਥੇਦਾਰ ਘਰੋ ਕਰੋੜਾਂ ਦੀ ਨਗਦੀ ਬਰਾਮਦ ਹੋਈ ਹੈ (ਪਰਦਾ ਹੈ ਪਰਦੇ ਮੇ ਰਹਿਨੇ ਦੋ ?) ਇਹ ਕਹਾਵਤ ਹੀ ਚਰਚਾ ਦਾ ਵਿਸ਼ਾ ਬਨੀ ਹੋਈ ਹੈ ਕਿ ਐਡਾ ਵੱਡਾ ਛਾਪਾ ਮਾਰਨ ਤੋਂ ਬਾਅਦ ਵੀ ਅਧਿਕਾਰੀਆਂ ਵੱਲੋਂ ਵੀ ਕੋਈ ਠੋਸ ਜਾਣਕਾਰੀ ਨਾ ਦੇਣਾ, ਕੀ ਸਚਾਈ ਹੈ ਕਿਉਂਕਿ ਸੂਤਰਾਂ ਅਨੁਸਾਰ ਸਿਰਫ ਘਰ ਵਿਚੋਂ ਇਕ ਲੱਖ ਸੱਠ ਹਜਾਰ ਰੁਪਏ ਦੀ ਹੀ ਬਰਾਮਦਗੀ ਦਰਸਾਉਣਆ ਆਪਣੇ ਆਪ ਵਿਚ ਇਕ ਸਵਾਲ ਖੜਾ ਕਰਦਾ ਹੈ ਤੇ ਇਸ ਵਜਾ ਨਾਲ ਚਰਚਾ ਚੱਲ ਰਹੀ ਹੈ ਕਿ ਵਿਰੋਧੀ ਧਿਰ ਤੇ ਇਲਜਾਮ ਲਾਉਣ ਵਾਸਤੇ ਬਾਦਲ ਵਲੋਂ ਇਹ ਕਾਰਵਾਈ ਖੁਦ ਹੀ ਨਾ ਕਰਵਾਈ ਗਈ ਹੋਵੇ ।



 

ਪਾਕਿ ’ਚ ਵਿਸਫ਼ੋਟ, 29 ਮਰੇ, 40 ਜ਼ਖ਼ਮੀ

ਇਸਲਾਮਾਬਾਦ, 10 ਜਨਵਰੀ (ਏਜੰਸੀਆਂ) ਪੱਛਮ ਉਤਰ ਪਾਕਿਤਸਤਾਨ ਦੇ ਅਸ਼ਾਂਤ ਖਬਰ ਕਬੀਲਾਈ ਇਲਾਕੇ ਵਿਚ ਭੀੜ ਭਰੇ ਇਕ ਬਜ਼ਾਰ ਵਿਚ ਮੰਗਲਵਾਰ ਨੂੰ ਇਕ ਸ਼ਕਤੀਸ਼ਾਲੀ ਬੰਬ ਵਿਸਫ਼ੋਟ ਵਿਚ ਘੱਟ ਤੋਂ ਘੱਟ 29 ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ 40 ਤੋਂ ਜ਼ਿਆਦਾ ਜ਼ਖਮੀ ਹੋ ਗਏ। ਖ਼ਬਰ ਏਜੰਸੀ ਦੇ ਮੁੱਖ ਸ਼ਹਿਰਾਂ ਵਿਚੋਂ ਇਕ ਜਮਰੂਦ ਸ਼ਹਿਰ ਵਿਚ ਟਰੱਕਾਂ ਅਤੇ ਬੱਸਾਂ ਦੇ ਸਟੈਂਡ ’ਤੇ ਖੜ੍ਹੇ ਇਕ ਟਰੱਕ ਵਿਚ ਬੰਬ ਲਗਾਇਆ ਗਿਆ ਸੀ।
ਚਸ਼ਮਦੀਦਾਂ ਅਤੇ ਅਧਿਕਾਰੀਆਂ ਨੇ ਦੱਸਿਆ ਕਿ ਵਿਸਫ਼ੋਟ ਨਾਲ ਟਰੱਕ ਵਿਚ ਬੈਠੇ ਸਾਰੇ 29 ਲੋਕਾਂ ਦੀ ਮੌਤ ਹੋ ਗਈ। ਰਾਜਨੀਤਕ ਪ੍ਰਸਾਸ਼ਨ ਦੇ ਅਧਿਕਾਰੀਆਂ ਨੇ ਮੀਡੀਆ ਨੂੰ ਦੱਸਿਆ ਕਿ ਇਸ ਹਮਲੇ ਵਿਚ ਘੱਟ ਤੋਂ ਘੱਟ 29 ਲੋਕਾਂ ਦੀ ਮੌਤ ਹੋਈ ਹੈ। ਜ਼ਖਮੀਆਂ ਨੂੰ ਨੇੜੇ ਦੇ ਹਸਪਤਾਲਾਂ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਗੰਭੀਰ ਰੂਪ ਨਾਲ ਜ਼ਖਮੀ ਹੋਏ ਲੋਕਾਂ ਨੂੰ ਖ਼ਬਰ ਪਖਤੂਨਖਵਾ ਸੂਬੇ ਦੀ ਰਾਜਧਾਨੀ ਪੇਸ਼ਾਵਰ ਸ਼ਹਿਰ ਲਿਜਾਇਆ ਗਿਆ ਹੈ। ਵਿਸਫ਼ੋਟ ਨਾਲ ਇਕ ਪੈਟਰੋਲ ਪੰਪ ਤਬਾਹ ਹੋ ਗਿਆ ਅਤੇ ਕਈ ਵਾਹਨ ਨੁਕਸਾਨੇ ਗਏ। ਖਬਰਾਂ ਵਿਚ ਕਿਹਾ ਗਿਆ ਹੈ ਕਿ ਜਦੋਂ ਵਿਸਫ਼ੋਟ ਹੋਇਆ ਤਾਂ ਇਕ ਮਿਲੀਸ਼ੀਆ ਦੇ ਮੈਂਬਰ ਬਜ਼ਾਰ ਤੋਂ ਗੁਜ਼ਰ ਰਹੇ ਸਨ। ਹੁਣ ਤੱਕ ਕਿਸੇ ਵੀ ਸਮੂਹ ਨੇ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ। ਖੇਤਰ ਵਿਚ ਤਹਿਰੀਕ ਏ ਤਾਲਿਬਾਨ ਪਾਕਿਸਤਾਨ ਅਤੇ ਲਸ਼ਕਰ ਏ ਇਸਲਾਮ ਸਮੇਤ ਕਈ ਅੱਤਵਾਦੀ ਸਮੂਹ ਸਰਗਰਮ ਹਨ। ਤਹਿਰੀਕ ਏ ਤਾਲਿਬਾਨ ਪਾਕਿਸਤਾਨ ਨੇ ਹਾਲ ਹੀ ਵਿਚ ਚਿਤਾਵਨੀ ਦਿੱਤੀ ਸੀ ਕਿ ਉਹ ਕਬੀਲਾਈ ਖੇਤਰ ਵਿਚ ਆਪਣੇ ਲੜਾਕਿਆਂ ਦੇ ਖ਼ਿਲਾਫ਼ ਚਲਾਏ ਜਾ ਰਹੇ ਅਭਿਆਨਾਂ ਦੇ ਬਦਲੇ ਵਜੋਂ ਹਮਲੇ ਕਰੇਗਾ। 


ਇਜ਼ਰਾਈਲ ਵਲੋਂ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ’ਚ ਭਾਰਤ ਦੀ ਸਥਾਈ ਮੈਂਬਰਸ਼ਿਪ ਦਾ ਸਮਰਥਨ
ਯੇਰੂਸ਼ਲਮ, 10 ਜਨਵਰੀ (ਏਜੰਸੀਆਂ) ਭਾਰਤ ਨੂੰ ਦੁਨੀਆਂ ਦਾ ਮਹਾਨ ਲੋਕਤੰਤਰ ਦੱਸਦੇ ਹੋਏ ਇਜ਼ਰਾਈਲ ਨੇ ਕਿਹਾ ਕਿ ਉਹ ਚਾਹੁੰਦਾ ਹੈ ਕਿ ਭਾਰਤ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦਾ ਸਥਾਈ ਮੈਂਬਰ ਬਣੇ। ਪਿਛਲੇ ਇਕ ਦਹਾਕੇ ਵਿਚ ਇਜ਼ਰਾਈਲ ਪਹੁੰਚਣ ਵਾਲੇ ਪਹਿਲੇ ਭਾਰਤੀ ਵਿਦੇਸ਼ ਮੰਤਰੀ ਐਸ.ਐਮ. ਕ੍ਰਿਸ਼ਨਾ ਦਾ ਸਵਾਗਤ ਕਰਦੇ ਹੋਏ ਰਾਸ਼ਟਰਪਤੀ ਸ਼ਿਮੋਨ ਪੇਰੇਸ ਨੇ ਕਿਹਾ ਕਿ ਤੇਲ ਅਵੀਵ ਪੂਰੀ ਰੁਚੀ ਅਤੇ ਸਾਵਧਾਨੀ ਨਾਲ ਨਵੀਂ ਦਿੱਲੀ ਦਾ ਸਮਰਥਨ ਕਰ ਰਿਹਾ ਹੈ। ਪੇਰੇਸ ਨੇ ਕਿਹਾ ਕਿ ਸਾਡੇ ਲਈ ਭਾਰਤ ਸਭ ਤੋਂ ਪਹਿਲਾਂ ਇਕ ਸੰਸਕ੍ਰਿਤੀ ਹੈ। ਉਸ ਤੋਂ ਬਾਅਦ ਇਹ ਸਾਡੇ ਲਈ ਧਰਤੀ ’ਤੇ ਮੌਜੂਦ ਮਹਾਨਤਮ ਲੋਕਤੰਤਰ ਹੈ ਅਤੇ ਉਸ ਤੋਂ ਬਾਅਦ ਆਜ਼ਾਦੀ ਵਿਚ ਕਮਜ਼ੋਰ ਹੋਏ ਬਿਨਾਂ ਗਰੀਬੀ ਤੋਂ ਉਭਰਨ ਦੀ ਅਵਿਸਵਾਸ਼ਯੋਗ ਉਪਲਬਧੀ ਦੇ ਤੌਰ ’ਤੇ ਹੈ। ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦਾ ਸਥਾਈ ਮੈਂਬਰ ਬਣਨ ਦੇ ਭਾਰਤ ਦੇ ਯਤਨਾਂ ਦਾ ਸਮਰਥਨ ਕਰਦੇ ਹੋਏ ਪੇਰੇਸ ਨੇ ਕਿਹਾ ਕਿ ਮੈਂ ਕਾਮਨਾ ਕਰਦਾ ਹਾਂ ਕਿ ਭਾਰਤ ਸੁਰੱਖਿਆ ਪ੍ਰੀਸ਼ਦ ਦਾ ਸਥਾਈ ਮੈਂਬਰ ਬਣੇ। ਪੇਰੇਸ ਨੇ ਆਪਣੇ ਸੰਬੋਧਨ ਵਿਚ ਮਹਾਤਮਾ ਗਾਂਧੀ ਨੂੰ ਅਹਿੰਸਾ ਦਾ ਦੂਤ ਮੰਨਦਾ ਹਾਂ। ਉਨ੍ਹਾਂ ਸਾਬਕਾ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਨੂੰ  ਰਾਜਾ ਕਿਹਾ। ਉਨ੍ਹਾਂ ਕਿਹਾ ਕਿ ਭਾਰਤ ਦਾ ਚੰਗਾ ਭਾਗ ਹੈ ਕਿ ਇੱਥੇ ਦੋ ਮਹਾਨ ਨੇਤਾਵਾਂ ਨੇ ਜਨਮ ਲਿਆ।


ਲਖਨਊ-ਨੋਇਡਾ ’ਚ ਮਾਇਆ ਦੀਆਂ ਮੂਰਤੀਆਂ ਢਕਣ ਦਾ ਕੰਮ ਜਾਰੀ
ਹਾਈਕੋਰਟ ’ਚ ਚੋਣ ਕਮਿਸ਼ਨ ਵਿਰੁੱਧ ਸ਼ਿਕਾਇਤ ’ਤੇ ਸੁਣਵਾਈ ਅੱਜ

ਲਖਨਊ, 10 ਜਨਵਰੀ (ਏਜੰਸੀਆਂ) ਚੋਣ ਕਮਿਸ਼ਨ ਦੇ ਆਦੇਸ਼ ਤੋਂ ਬਾਅਦ ਲਖਨਊ ਦੇ ਅੰਬੇਦਕਰ ਪਾਰਕ ਅਤੇ ਨੋਇਡਾ ਦੇ ਦਲਿਤ ਚੇਨਤਾ ਪਾਰਕ ਵਿਚ ਮੂਰਤੀਆਂ ਢਕਣ ਦਾ ਕੰਮ ਚੱਲ ਰਿਹਾ ਹੈ। ਮੂਰਤੀਆਂ ਨੂੰ ਪੋਲੀਥੀਨ ਨਾਲ ਨਹੀਂ ਬਲਕਿ ਸੁਰੱਖਿਆ ਨੂੰ ਦੇਖਦੇ ਹੋਏ ਉਨ੍ਹਾਂ ਦੇ ਚਾਰੇ ਪਾਸੇ ਹੋਰਡਿੰਗ ਲਗਾਇਆ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਚੋਣ ਕਮਿਸ਼ਨ ਨੇ 11 ਜਨਵਰੀ ਤੱਕ ਮੂਰਤੀਆਂ ਨੂੰ ਢਕਣ ਦਾ ਕੰਮ ਪੂਰਾ ਕਰਨ ਦਾ ਆਦੇਸ਼ ਦਿੱਤਾ ਹੈ। ਨੋਇਡਾ ਵਿਚ 27 ਲੱਖ ਰੁਪਏ ਦੀ ਲਾਗਤ ਨਾਲ ਬਣੀਆਂ ਮੂਰਤੀਆਂ ਨੂੰ ਢਕਣ ਦਾ ਕੰਮ ਕੀਤਾ ਜਾਵੇਗਾ। ਇਹ ਕੰਮ ਅੱਜ ਜਲਦੀ ਪੂਰਾ ਕਰ ਲਿਆ ਜਾਵੇਗਾ। ਲਖਨਊ ਅਤੇ ਨੋਇਡਾ ਵਿਚ ਮੂਰਤੀਆਂ ਦੇ ਢਕਣ ਵਿਚ ਇਕ ਕਰੋੜ ਰੁਪਏ ਤੱਕ ਖ਼ਰਚ ਹੋਣ ਦਾ ਅਨੁਮਾਨ ਹੈ। ਮੂਰਤੀਆਂ ਨੂੰ ਢਕਣ ਵਿਚ ਇਸਗੱਲ ਦਾ ਖ਼ਾਸ ਖ਼ਿਆਲ ਰੱਖਿਆ ਜਾ ਰਿਹਾ ਹੈ ਕਿ ਉਸ ਨੂੰ ਕਿਸੇ ਤਰ੍ਹਾਂ ਦਾ ਨੁਕਸਾਲ ਨਾ ਹੋਵੇ। ਦੂਜੇ ਪਾਸੇ ਇਸ ਮਾਮਲੇ ਵਿਚ ਇਲਾਹਾਬਾਦ ਹਾਈਕੋਰਟ ਵਿਚ ਇਸ ਦੀ ਸ਼ਿਕਾਇਤ ਕੀਤੀ ਗਈ ਹੈ, ਜਿਸ ’ਤੇ ਸੁਣਵਾਈ 11 ਜਨਵਰੀ ਨੂੰ ਹੋਣੀ ਹੈ।





ਪੋਲੀਓ ਦੇ ਖਾਤਮੇ ’ਚ ਭਾਰਤ ਦੀ ਉਪਲਬਧੀ ਸ਼ਲਾਘਾਯੋਗ : ਬਿਲ ਗੇਟਸ
ਸੰਸਾਰਕ ਸਿਹਤ ਦੇ ਇਤਿਹਾਸ ਵਿਚ ਦੱਸਿਆ ਇਕ ਵੱਡਾ ਮੀਲ ਪੱਥਰ

ਨਵੀਂ ਦਿੱਲੀ, 10 ਜਨਵਰੀ (ਏਜੰਸੀਆਂ) ਦੁਨੀਆਂ ਭਰ ਵਿਚ ਪੋਲੀਓ ਦੇ ਖ਼ਾਤਮੇ ਲਈ ਮਦਦ ਦੇ ਰਹੇ ਮਾਈਕ੍ਰੋਸਾਫ਼ਟ ਕੰਪਨੀ ਦੇ ਸੰਸਥਾਪਕ ਬਿਲ ਗੇਟਸ ਨੇ ਕਿਹਾ ਹੈ ਕਿ ਭਾਰਤ ਵਿਚ ਪਿਛਲੇ ਇਕ ਸਾਲ ਵਿਚ ਇਸ ਵਿਸ਼ਾਣੂ ਤੋਂ ਪੀੜਤ ਹੋਣ ਦਾ ਇਕ ਵੀ ਮਾਮਲਾ ਸਾਹਮਣੇ ਨਾ ਆਉਣਾ ਸੰਸਾਰਕ ਸਿਹਤ ਦੇ ਇਤਿਹਾਸ ਵਿਚ ਇਕ ਵੱਡਾ ਮੀਲ ਪੱਥਰ ਹੈ ਅਤੇ ਹੋਰ ਪ੍ਰਭਾਵਿਤ ਦੇਸ਼ਾਂ ਨੂੰ ਇਸ ਤੋਂ ਸਬਕ ਲੈਣਾ ਚਾਹੀਦਾ ਹੈ। ਦੁਨੀਆਂ ਦੇ ਸਭ ਤੋਂ ਜ਼ਿਆਦਾ ਅਮੀਰਾਂ ਵਿਚ ਗਿਣੇ ਜਾਂਦੇ ਬਿਲ ਗੇਟਸ ਨੇ ਆਪਣੇ ਸੰਗਠਨ ਬਿਲ ਅਤੇ ਮਿਲਿੰਡਾ ਗੇਟਸ ਫਾਊਂਡੇਸ਼ਨ ਦੀ ਵੈਬਸਾਈਟ ’ਤੇ ਦਿੱਤੇ ਬਿਆਨ ਵਿਚ ਕਿਹਾ ਕਿ ਕਰੀਬ ਚਾਰ ਸਾਲ ਪਹਿਲਾ ਆਪਣੀ ਭਾਰਤ ਯਾਤਰਾ ਦੇ ਦੌਰਾਨ ਉਨ੍ਹਾਂ ਨੇ ਪੋਲੀਓ ਦੇ ਪ੍ਰਕੋਪ ਨੂੰ ਦੇਖਿਆ ਸੀ। ਉਨ੍ਹਾਂ ਕਿਹਾ ਕਿ ਸਾਲ 2009 ਵਿਚ ਭਾਰਤ ਵਿਚ ਪੋਲੀਓ ਦੇ ਇੰਨੇ ਮਾਮਲੇ ਸਾਹਮਣੇ ਆਏ, ਜਿੰਨੇ ਵਿਸ਼ਵ ਦੇ ਕਿਸੇ ਵੀ ਦੇਸ਼ ਵਿਚ ਨਹੀਂ ਸਨ ਪਰ ਉਸ ਤੋਂ ਬਾਅਦ ਤੋਂ ਕਾਫੀ ਕੁਝ ਬਦਲ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਸ਼ੁੱਕਰਵਾਰ ਨੂੰ ਭਾਰਤ ਵਿਚ ਪੋਲੀਓ ਦੇ ਘਾਤਕ ਵਿਸ਼ਾਣੂ ਦੇ ਪਤਾ ਲੱਗਣ ਦੇ ਅੰਤਮ ਮਾਮਲੇ ਨੂੰ ਇਕ ਸਾਲ ਪੂਰਾ ਹੋ ਜਾਵੇਗਾ। ਇਹ ਸੰਸਾਰਕ ਸਿਹਤ ਦੇ ਇਤਿਹਾਸ ਵਿਚ ਇਕ ਵੱਡਾ ਮੀਲ ਪੱਥਰ ਹੈ ਅਤੇ ਇਹ ਸਫ਼ਲਤਾ ਭਾਰਤ ਦੀ ਪੋਲੀਓ ਖ਼ਿਲਾਫ਼ ਮਜ਼ਬੂਤ ਲੜਾਈ ਨੂੰ ਦਰਸਾਉਦਾ ।
 

ਕੁਪੋਸ਼ਣ ਰਾਸ਼ਟਰੀ ਸ਼ਰਮ ਦਾ ਵਿਸ਼ਾ : ਮਨਮੋਹਨ
ਕੁਪੋਸ਼ਣ ’ਤੇ ‘ਹੰਗਾਮਾ’ ਨਾਂ ਦੀ ਰਿਪੋਰਟ ਜਾਰੀ ੲ ਕਿਹਾ-ਕੁਪੋਸ਼ਣ ਦਰ ਘਟਾਉਣ ’ਚ ਨਹੀਂ ਮਿਲੀ ਕਾਮਯਾਬੀ

ਨਵੀਂ ਦਿੱਲੀ, 10 ਜਨਵਰੀ (ਏਜੰਸੀਆਂ)  ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਮੰਗਲਵਾਰ ਨੂੰ ਕਿਹਾ ਕਿ ਬਿਹਤਰ ਆਰਥਿਕ ਵਿਕਾਸ ਦੇ ਬਾਵਜੂਦ ਦੇਸ਼ ਵਿਚ ਕੁਪੋਸ਼ਣ ਕਾਫ਼ੀ ਉਚੇ ਪੱਧਰ ’ਤੇ ਹੈ ਅਤੇ ਇਸ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਕੁਪੋਸ਼ਣ ਰਾਸ਼ਟਰੀ ਸ਼ਰਮ ਦਾ ਵਿਸ਼ਾ ਹੈ। ਪ੍ਰਧਾਨ ਮੰਤਰੀ ਨੇ ਇੱਥੇ ਕੁਪੋਸ਼ਣ ’ਤੇ ਇਕ ਰਿਪੋਰਟ ‘ਹੰਗਾਮਾ’ ਜਾਰੀ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਸਰਵੇਖਣ ਦਾ ਸਿੱਟਾ ਨਿਰਾਸ਼ਾਜਨਕ ਅਤੇ ਉਤਸ਼ਾਹਪੂਰਵਕ ਦੋਵੇਂ ਹੀ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਪਹਿਲਾਂ ਵੀ ਕਿਹਾ ਹੈ ਅਤੇ ਇਸ ਨੂੰ ਫਿਰ ਦੁਹਰਾਉਾਂਦਾ ਾਂ, ਬਿਹਤਰ ਵਿਕਾਸ ਦਰਜ ਕਰਨ ਤੋਂ ਬਾਅਦ ਵੀ ਦੇਸ਼ ਵਿਚ ਕੁਪੋਸ਼ਣ ਦਾ ਪੱਧਰ ਅਸਵੀਕਾਰ ਰੂਪ ਨਾਲ ਉਚ ਪੱਧਰ ’ਤੇ ਹੈ। ਅਸੀਂ ਇਸ ਦਰ ਨੂੰ ਤੇਜ਼ੀ ਨਾਲ ਘਟਾਉਣ ਵਿਚ ਵੀ ਕਾਮਯਾਬ ਨਹੀਂ ਹੋਏ। ਉਨ੍ਹਾਂ ਨੇ ਇਸ ਸਰਵੇਖਣ ਲਈ ਸਿਟੀਜ਼ਨ ਅਲਾਇੰਸ ਅਗੇਂਸਟ ਮਲਨਿਊਟ੍ਰੀਸ਼ਨ, ਨੰਦੀ ਫਾਊਂਡੇਸ਼ਨ, ਮਹਿੰਦਰਾ ਐਂਡ ਮਹਿੰਦਰਾ ਅਤੇ ਹੋਰ ਸਾਂਝੇਦਾਰਾਂ ਅਤੇ ਸਹਿਯੋਗੀਆਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਸਰਵੇਖਣ ਕਰਨ ਵਾਲੇ ਨੌਂ ਰਾਜਾਂ ਦੇ 112 ਜ਼ਿਲ੍ਹਿਆਂ ਦੇ 73 ਹਜ਼ਾਰ ਤੋਂ ਜ਼ਿਆਦਾ ਘਰਾਂ ਵਿਚ ਗਏ। ਇਕ ਲੱਖ ਤੋਂ ਜ਼ਿਆਦਾ ਬੱਚਿਆਂ ਅਤੇ 74 ਹਜ਼ਾਰ ਮਾਤਾਵਾਂ ਤੋਂ ਪੁੱਛਗਿੱਛ ਕਰਕੇ ਵੇਰਵਾ ਲੈਣਾ ਕੋਈ ਆਮ ਕਾਰਜ ਨਹੀਂ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਵੇਖਣ ਵਿਚ ਕੁਪੋਸ਼ਣ ਦਾ ਕਾਫ਼ੀ ਉਚਾ ਪੱਧਰ ਦੱਸਿਆ ਗਿਆ ਹੈ ਪਰ ਇਸ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ 100 ਫੋਕਸ ਜ਼ਿਲ੍ਹਿਆਂ ਵਿਚ ਪਿਛਲੇ ਸੱਤ ਸਾਲ ਵਿਚ ਪੰਜ ਵਿਚੋਂ ਇਕ ਬੱਚਾ ਸਵੀਕਾਰਯੋਗ ਪੱਧਰ ਦਾ ਵਜ਼ਨ ਹਾਸਲ ਕਰ ਚੁੱਕਾ ਹੈ ਪਰ ਮੈਨੂੰ ਚਿੰਤਾ ਇਸ ਗੱਲ ਦੀ ਹੈ ਕਿ 42 ਫ਼ੀਸਦੀ ਬੱਚਿਆਂ ਦਾ ਵਜ਼ਨ ਅਜੇ ਵੀ ਘੱਟ ਹੈ। ਸਿੰਘ ਨੇ ਕਿਹਾ ਕਿ ਦੇਸ਼ ਦੀ ਅਰਥ ਵਿਵਸਥਾ ਅਤੇ ਸਮਾਜ ਦੀ ਸਿਹਤ ਉਸ ਦੇ ਬੱਚਿਆਂ ਵਿਚ ਨਿਹਿੱਤ ਹੁੰਦੀ ਹੈ।



ਕਿਸੇ ਪਾਰਟੀ ਦੇ ਵਿਰੋਧ ’ਚ ਪ੍ਰਚਾਰ ਨਹੀਂ ਕੀਤਾ ਜਾਵੇਗਾ : ਟੀਮ ਅੰਨਾ
ਪ੍ਰਸ਼ਾਂਤ ਭੂਸ਼ਣ ਅਤੇ ਕੇਜਰੀਵਾਲ ਨੇ ਪਿੰਡ ਪਹੁੰਚ ਕੇ ਕੀਤੀ ਅੰਨਾ ਨਾਲ ਮੁਲਾਕਾਤ
ਰਾਲੇਗਣ ਸਿੱਧੀ, 10 ਜਨਵਰੀ (ਏਜੰਸੀਆਂ) ਟੀਮ ਅੰਨਾ ਦੇ ਮੈਂਬਰਾਂ ਨੇ ਇੱਥੇ ਮੰਗਲਵਾਰ ਨੂੰ ਕਿਹਾ ਕਿ ਪੰਜ ਰਾਜਾਂ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਉਹ ਕਿਸੇ ਵੀ ਪਾਰਟੀ ਦੇ ਸਮਰਥਨ ਜਾਂ ਵਿਰੋਧ ਵਿਚ ਪ੍ਰਚਾਰ ਨਹੀਂ ਕਰਨਗੇ। ਪ੍ਰਸ਼ਾਂਤ ਭੂਸ਼ਣ ਨੇ ਕਿਹਾ ਕਿ ਅਸੀਂ ਫ਼ੈਸਲਾ ਕੀਤਾ ਹੈ ਕਿ ਚੋਣਾਂ ਵਿਚ ਅਸੀਂ ਕਿਸੇ ਵੀ ਇਕ ਪਾਰਟੀ ਨੂੰ ਨਿਸ਼ਾਨਾ ਨਹੀਂ ਬਣਾਵਾਂਗੇ ਪਰ ਅਸੀਂ ਲੋਕਾਂ ਨੂੰ ਦੱਸਾਂਗੇ ਕਿ ਲੋਕਪਾਲ ਬਿਲ ਲਿਆਉਣ ਵਿਚ ਸਰਕਾਰ ਅਤੇ ਹੋਰ ਪਾਰਟੀਆਂ ਦੀ ਕੀ ਭੂਮਿਕਾ ਰਹੀ। ਭੂੁਸ਼ਣ ਮੰਗਲਵਾਰ ਨੂੰ ਇੱਥੇ ਅੰਨਾ ਹਜ਼ਾਰੇ ਨਾਲ ਮੁਲਾਕਾਤ ਤੋਂ ਬਾਅਦ ਪੱਤਰਕਾਰਾਂ ਨੂੰ ਸੰਬੋਧਨ ਕਰ ਰਹੇ ਸਨ। ਅਰਵਿੰਦ ਕੇਜਰੀਵਾਲ ਨੇ ਵੀ ਮੰਗਲਵਾਰ ਨੂੰ ਅੰਨਾ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਕਿਹਾ ਕਿ ਸਰਕਾਰ ਦਾ ਧੋਖਾ ਸਭ ਤੋਂ ਵੱਡਾ ਮੁੱਦਾ ਹੈ ਪਰ ਹੋਰ ਪਾਰਟੀਆਂ ਦਾ ਰਵੱਈਆ ਵੀ ਸਵਾਲਾਂ ਦੇ ਘੇਰੇ ਵਿਚ ਹੈ। ਇਸ ਤੋਂ ਪਹਿਲਾਂ ਟੀਮ ਅੰਨਾ ਨੇ ਜਨ ਲੋਕਪਾਲ ਬਿਲ ਦਾ ਵਿਰੋਧ ਕਰਨ ਵਾਲੀਆਂ ਪਾਰਟੀਆਂ ਦੇ ਖ਼ਿਲਾਫ਼ ਪ੍ਰਚਾਰ ਚਲਾਉਣ ਦੀ ਚਿਤਾਵਨੀ ਦਿੱਤੀ ਸੀ। ਉਨ੍ਹਾਂ ਦੇ ਨਿਸ਼ਾਨੇ ’ਤੇ ਹਾਲਾਂਕਿ ਮੁੱਖ ਰੂੁਪ ਨਾਲ ਕਾਂਗਰਸ ਸੀ।



ਮਰ ਚੁੱਕੀ ਹੈ ਭੰਵਰੀ ਦੇਵੀ : ਸੀਬੀਆਈ
ਅਦਾਲਤ ਨੇ 21 ਫਰਵਰੀ ਤੱਕ ਮੰਗੀ ਅੰਤਮ ਰਿਪੋਰਟ
ਜੋਧਪੁਰ, 10 ਜਨਵਰੀ (ਏਜੰਸੀਆਂ) ਸੀਬੀਆਈ ਨੇ ਮੰਗਲਵਾਰ ਨੂੰ ਰਾਜਸਥਾਨ ਹਾਈਕੋਰਟ ਨੂੰ ਸੂਚਿਤ ਕੀਤਾ ਕਿ ਨਰਸ ਭੰਵਰੀ ਦੇਵੀ ਹੁਣ ਜਿੰਦਾ ਨਹੀਂ ਹੈ ਅਤੇ ਉਸ ਨੇ ਅਦਾਲਤ ਤੋਂ ਉਸ ਦੇ ਪਤੀ ਅਮਰਚੰਦ ਵਲੋਂ ਦਾਇਰ ਅਗਵਾ ਕਰਨ ਦੀ ਅਰਜ਼ੀ ਨੂੰ ਰੱਦ ਕਰਨ ਦੀ ਬੇਨਤੀ ਕੀਤੀ। ਅਦਾਲਤ ਨੇ ਹਾਲਾਂਕਿ ਅਰਜ਼ੀ ਨੂੰ ਰੱਦ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ ਅਤੇ ਸੀਬੀਆਈ ਤੋਂ ਅੰਤਮ ਰਿਪੋਰਟ 21 ਫਰਵਰੀ ਨੂੰ ਪੇਸ਼ ਕਰਨ ਲਈ ਕਿਹਾ ਹੈ। ਸੀਬੀਆਈ ਵਲੋਂ ਵਕੀਲ ਆਨੰਦ ਪੁਰੋਹਿਤ ਰਾਜਸਥਾਨ ਹਾਈਕੋਰਟ ਦੀ ਜੱਜ ਗੋਵਿੰਦ ਮਾਥੁਰ ਅਤੇ ਜੱਜ ਐਨ ਕੇ. ਜੈਨ ਦੀ ਬੈਂਚ ਦੇ ਸਾਹਮਣੇ ਹਾਜ਼ਰ ਹੋਏ ਸਨ। ਪੁਰੋਹਿਤ ਨੇ ਅਦਾਲਤ ਨੂੰ ਕਿਹਾ ਕਿ ਹੁਣ ਉਹ ਜਿੰਦਾ ਨਹੀਂ ਰਹੀ, ਇਸ ਲਈ ਹੁਣ ਉਸ ਨੂੰ ਅਦਾਲਤ ਦੇ ਸਾਹਮਣੇ ਪੇਸ਼ ਕਰਨਾ ਸੰਭਵ ਨਹੀਂ ਹੈ। ਇਸ ਲਈ ਅਗਵਾ ਸਬੰਧੀ ਅਰਜ਼ੀ ਦੀ ਕੋਈ ਮਹੱਤਤਾ ਨਹੀਂ ਰਹੀ। ਸੀਬੀਆਈ ਂਨੇ ਅਦਾਲਤ ਨੂੰ ਇਹ ਵੀ ਸੂਚਿਤ ਕੀਤਾ ਕਿ ਉਹ ਮਾਮਲੇ ਵਿਚ ਕਰੀਬ ਕਰੀਬ ਸਿੱਟੇ ਤੱਕ ਪਹੁੰਚ ਗਈ ਹੈ ਅਤੇ ਜਲਦ ਹੀ ਦੋਸ਼ ਪੱਤਰ ਦਾਖ਼ਲ ਕਰਨ ਜਾ ਰਹੀ ਹੈ।



ਬਿਰਲਾ ਸਮੂਹ ਨੇ ਸੱਤ ਸਾਲ ’ਚ ਕਾਂਗਰਸ ਨੂੰ ਦਿੱਤਾ 36 ਕਰੋੜ ਰੁਪਏ ਦਾ ਚੰਦਾ
ਨਵੀਂ ਦਿੱਲੀ, 10 ਜਨਵਰੀ (ਏਜੰਸੀਆਂ) ਰਾਜਨੀਤਕ ਦਲਾਂ ਨੂੰ ਚੰਦਾ ਦੇਣ ਦੇ ਮਾਮਲੇ ਵਿਚ ਕਾਰਪੋਰੇਟ ਘਰਾਣੇ ਸਭ ਤੋਂ ਅੱਗੇ ਹਨ। ਆਦਿਤਿਆ ਬਿਰਲਾ ਗਰੁੱਪ ਨੇ ਸਾਲ 2009-10 ਵਿਚ ਰਾਜਨੀਤਕ ਦਲਾਂ ਨੂੰ 35.5 ਕਰੋੜ ਰੁਪਏ ਦਾ ਚੰਦਾ ਦਿੱਤਾ ਜਦੋਂ ਕਿ ਭਾਰਤੀ ਗਰੁੱਪ ਨੇ ਸਾਲ 2008-09 ਅਤੇ 2009-10 ਵਿਚ ਕੁੱਲ 20.80 ਕਰੋੜ ਰੁਪਏ ਚੰਦਾ ਲਿਆ। ਆਦਿਤਿਆ ਬਿਰਲਾ ਸਮੂਹ ਨੇ ਸਾਲ 2009-10 ਵਿਚ ਕਾਂਗਰਸ ਨੂੰ 13.95 ਕਰੋੜ, ਭਾਜਪਾ ਨੂੰ 11.60 ਕਰੋੜ, ਬੀਜੂ ਜਨਤਾ ਦਲ ਨੂੰ ਪੰਜ ਕਰੋੜ, ਰਾਸ਼ਟਰੀ ਜਨਤਾ ਦਲ ਅਤੇ ਸ਼ਿਵ ਸੈਨਾ ਨੂੰ ਦੋ ਦੋ ਕਰੋੜ ਅਤੇ ਸਮਾਜਵਾਦੀ ਪਾਰਟੀ ਨੂੰ 50 ਲੱਖ ਦਾ ਚੰਦਾ ਦਿੱਤਾ। ਇਸ ਤਰ੍ਹਾਂ ਬਿਰਲਾ ਸਮੂਹ ਦੀ ਜਨਰਲ ਇਲੈਕਟੋਰਲ ਟਰੱਸਟ ਨੇ ਕੁੱਲ 35.5 ਕਰੋੜ ਰੁਪਏ ਦਾ ਚੰਦਾ ਦਿੱਤਾ। ਸਾਲ 2009-10 ਵਿਚ ਹੀ ਟਾਟਾ ਸਮੂਹ ਦੀ ਇਲੈਕਟੋਰਲ ਟਰੱਸਟ ਨੇ ਵੱਖ ਵੱਖ ਰਾਜਨੀਤਕ ਦਲਾਂ ਨੂੰ ਕੁੱਲ 12.46 ਕਰੋੜ ਰੁਪਏ ਚੰਦੇ ਵਿਚ ਦਿੱਤੇ, ਜਿਸ ਵਿਚ ਕਾਂਗਰਸ ਨੂੰ 5.64 ਕਰੋੜ, ਭਾਜਪਾ ਨੂੰ 4.1 ਕਰੋੜ, ਸਮਾਜਵਾਦੀ ਪਾਰਟੀ ਨੂੰ 97 ਲੱਖ, ਤੇਲਗੂ ਦੇਸ਼ਮ ਪਾਰਟੀ ਨੂੰ 48 ਲੱਖ, ਜਦਯੂ ਨੂੰ 30 ਲੱਖ, ਰਾਜਦ ਨੂੰ 36 ਲੱਖ ਅਤੇ ਡੀਐਮਕੇ ਨੂੰ 27 ਲੱਖ ਦਾ ਚੰਦਾ ਚੋਣਾਂ ਲੜਨ ਲਈ ਦਿੱਤਾ ਗਿਆ। ਭਾਰਤੀ ਏਅਰਟੈਲ ਸਮੂਹ ਦੀ ਭਾਰਤੀ ਇਲੈਕਟੋਰਲ ਟਰੱਸਟ ਨੇ ਸਾਲ 2008-09 ਅਤੇ 2009-10 ਵਿਚ ਕੁੱਲ 20.80 ਕਰੋੜ ਰੁਪਏ ਦਾ ਰਾਜਨੀਤਕ ਚੰਦਾ ਦਿੱਤਾ, ਜਿਸ ਵਿਚ ਕਾਂਗਰਸ ਨੂੰ 11 ਕਰੋੜ, ਭਾਜਪਾ ਨੂੰ 7 ਕਰੋੜ, ਰਾਜਦ, ਜਨਤਾ ਦਲ ਅਤੇ ਤੇਲਗੂ ਦੇਸ਼ਮ ਪਾਰਟੀ ਨੂੰ ਇਕ ਇਕ ਕਰੋੜ ਦਿੱਤੇ ਗਏ। ਭਾਰਤੀ ਸਮੂਹ ਦੀ ਟਰੱਸਟ ਨੇ ਲੋਜਪਾ ਨੂੰ 50 ਲੱਖ ਅਤੇ ਸ਼੍ਰੋਮਣੀ ਅਕਾਲੀ ਦਲ ਨੂੰ 30 ਲੱਖ ਰੁਪਏ ਦਿੱਤੇ। ਸਮਾਜ ਸੇਵਕ ਅਫਰੋਜ਼ ਆਲਮ ਸਾਹਿਲ ਨੂੰ ਆਰਟੀਆਈ ਜ਼ਰੀਏ ਮਿਲੀ ਸੂਚਨਾ ਦੇ ਮੁਤਾਬਕ 2009-10 ਦੀਆਂ ਲੋਕ ਸਭਾ ਚੋਣਾਂ ਵਾਲੇ ਸਾਲ ਵਿਚ ਕਾਂਗਰਸ ਨੂੰ ਕੁੱਲ 84.04 ਕਰੋੜ ਰੁਪਏ ਚੰਦੇ ਦੇ ਤੌਰ ’ਤੇ ਮਿਲੇ ਸਨ, ਜਿਸ ਵਿਚ 45 ਕਰੋੜ ਰੁਪਏ ਦਾ ਚੰਦਾ ਆਦਿੱਤਿਆ-ਬਿਰਲਾ ਸਮੂਹ, ਟਾਟਾ ਸਮੂਹ ਅਤੇ ਭਾਰਤੀ ਏਅਰਟੈਲ ਵਰਗੇ ਵੱਡੇ ਕਾਰਪੋਰੇਟ ਘਰਾਣਿਆਂ ਤੋਂ ਮਿਲਿਆ। ਆਦਿੱਤਿਆ-ਬਿਰਲਾ ਸਮੂਹ ਸਾਲ 2003 ਤੋਂ ਵੱਖ ਵੱਖ ਰਾਜਨੀਤਕ ਦਲਾਂ ਨੂੰ ਕੁੱਲ 74.45 ਕਰੋੜ ਰੁਪਏ ਚੰਦੇ ਦੇ ਰੂਪ ਵਿਚ ਦੇ ਚੁੱਕਿਆ ਹੈ, ਜਿਸ ਵਿਚ 35.91 ਕਰੋੜ ਰੁਪਏ ਸਿਰਫ਼ ਕਾਂਗਰਸ ਨੂੰ ਹੀ ਦਿੱਤੇ ਗਏ। ਹਾਲਾਂਕਿ ਚੰਦੇ ਮਾਮਲੇ ਵਿਚ ਸਾਲ 2009-10 ਵਿਚ ਕਾਂਗਰਸ ਭਾਜਪਾ ਤੋਂ ਪਿਛੜ ਗਈ ਸੀ। ਕਾਂਗਰਸ ਦੇ 84 ਕਰੋੜ ਦੇ ਮੁਕਾਬਲੇ ਭਾਜਪਾ ਨੂੰ ਕੁੱਲ 93.9 ਕਰੋੜ ਰੁਪਏ ਦਾ ਚੰਦਾ ਮਿਲਿਆ ਸੀ।


ਉਮਰ ਵਿਵਾਦ ਮਾਮਲਾ : ਸੈਨਾ ਮੁਖੀ ਨੇ ’ਚ ਅਦਾਲਤ ਜਾਣ ’ਤੇ ਸਾਧੀ ਚੁੱਪੀ
ਨਵੀਂ ਦਿੱਲੀ, 10 ਜਨਵਰੀ (ਏਜੰਸੀਆਂ) ਸੈਨਾ ਮੁਖੀ ਜਨਰਲ ਵੀ.ਕੇ. ਸਿੰਘ ਨੇ ਆਪਣੀ ਉਮਰ ਦੇ ਮੁੱਦੇ ’ਤੇ ਵਧਦੇ ਵਿਵਾਦ ਦੇ ਵਿਚਕਾਰ ਮੰਗਲਵਾਰ ਨੂੰ ਇਸ ਬਾਰੇ ਵਿਚ ਕੁਝ ਨਹੀਂ ਕਿਹਾ ਕਿ ਉਹ ਇਸ ਵਿਸ਼ੇ ਨੂੰ ਨਿਪਟਾਉਣ ਦੀ ਮੰਗ ਕਰਨ ਦੇ ਲਈ ਅਦਾਲਤ ਦਾ ਰੁਖ਼ ਕਰਨਗੇ ਜਾਂ ਨਹੀਂ। ਉਨ੍ਹਾਂ ਪੱਤਰਕਾਰਾਂ ਨੂੰ ਕਿਹਾ ਕਿ ਇਹ ਬਿਲਕੁਲ ਨਿੱਜੀ ਮੁੱਦਾ ਹੈ ਅਤੇ ਮੈਂ ਇਸ ’ਤੇ ਕੋਈ ਜਨਤਕ ਬਿਆਨ ਦੇਣ ਤੋਂ ਪ੍ਰਹੇਜ਼ ਕਰਦਾ ਹਾਂ। ਦਰਅਸਲ ਉਨ੍ਹਾਂ ਤੋਂ ਇਹ ਪੁੱਛਿਆ ਗਿਆ ਸੀ ਕਿ ਕੀ ਉਨ੍ਹਾਂ ਨੇ ਆਪਣੀ ਉਮਰ ਦੇ ਮੁੱਦੇ ਦਾ ਹੱਲ ਕਰਨ ਦੇ ਲਈ ਅਦਾਲਤ ਦਾ ਰੁਖ਼ ਕਰਨ ਦਾ ਵਿਕਲਪ ਖੁੱਲ੍ਹਾ ਰੱਖਿਆ ਹੈ? ਰੱਖਿਆ ਮੰਤਰਾਲੇ ਵਲੋਂ ਉਨ੍ਹਾਂ ਦੀ ਉਸ ਸ਼ਿਕਾਇਤ ਨੂੰ ਖਾਰਜ ਕੀਤੇ ਜਾਣ ਤੋਂ ਬਾਅਦ ਇਹ ਸਵਾਲ ਪੁੱਛਿਆ ਗਿਆ, ਜਿਸ ਵਿਚ ਉਨ੍ਹਾਂ ਨੇ ਆਪਣੀ ਜਨਮ ਮਿਤੀ 10 ਮਈ 1950 ਦੀ ਬਜਾਇ 10 ਮਈ 1951 ਨਾ ਹੋਣ ਦੀ ਗੱਲ ਆਖੀ ਸੀ। ਰੱਖਿਆ ਮੰਤਰਾਲਾ 10 ਮਈ 1951 ਦੇ ਉਨ੍ਹਾਂ ਦੀ ਜਨਮਮਿਤੀ ਨੂੰ ਸਵੀਕਾਰ ਕਰਨ ਦੇ ਸਿੰਘ ਦੇ ਦਾਅਵੇ ਨੂੰ ਦੋ ਵਾਰ ਖਾਰਜ ਕਰ ਚੁੱਕਾ ਹੈ। ਅਜਿਹਾ ਹੋਣ ’ਤੇ ਉਨ੍ਹਾਂ ਦਾ ਕਾਰਜਕਾਲ 10 ਮਹੀਨੇ ਵਧ ਜਾਵੇਗਾ। ਹਾਲ ਹੀ ਵਿਚ ਜਨਰੀ ਸਿੰਘ ਨੇ ਕਿਹਾ ਸੀ ਕਿ ਉਮਰ ਮੁੱਦੇ ’ਤੇ ਅਦਾਲਤ ਦਾ ਰੁਖ਼ ਕਰਨ ’ਤੇ ਉਹ ਵਿਚਾਰ ਨਹੀਂ ਕਰ ਰਹੇ ਹਨ।


ਜਦੋਂ ਟੋਬੈਗੋ ਪ੍ਰਧਾਨ ਮੰਤਰੀ ਨੇ ਛੂਹੇ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਦੇ ਪੈਰ
ਜੈਪੁਰ, 10 ਜਨਵਰੀ (ਏਜੰਸੀਆਂ) ਪ੍ਰਵਾਸੀ ਭਾਰਤੀ ਸੰਮੇਲਨ ਦੇ ਆਖ਼ਰੀ ਦਿਨ ਦੀ ਪ੍ਰਧਾਨਗੀ ਕਰਦੇ ਹੋਏ ਤ੍ਰਿਨਿਦਾਦ ਟੋਬੈਗੋ ਦੀ ਪ੍ਰਧਾਨ ਮੰਤਰੀ ਕਮਲਾ ਪ੍ਰਸ਼ਾਦ ਨੇ ਰਾਜਸਥਾਨ ਦੇ ਬਹੁਰੰਗੀ ਸਭਿਆਚਾਰ ਦੀ ਤਾਰੀਫ਼ ਕੀਤੀ। ਉਨ੍ਹਾਂ ਦੇ ਆਪਣੇ ਭਾਸ਼ਣ ਦੌਰਾਨ ਰਾਮ ਰਾਮ ਕਿਹਾ ਤਾਂ ਉਸ ਦੀ ਸਮਾਪਤੀ ਜੈ ਹਿੰਦ ਨਾਲ ਕੀਤੀ। ਉਨ੍ਹਾਂ ਕਿਹਾ ਕਿ ਆਪਣੇ ਭਾਰਤੀ ਸੰਸਕਾਰਾਂ ਦੀ ਵਜ੍ਹਾ ਕਰਕੇ ਹੀ ਉਹ ਅੱਜ ਇਸ ਅਹੁਦੇ ’ਤੇ ਪਹੁੰਚੀ ਹੈ। ਉਨ੍ਹਾਂ ਨੇ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਦੇ ਆਉਣ ’ਤੇ ਉਨ੍ਹਾਂ ਦੇ ਪੈਰ ਛੂੁਹ ਕੇ ਆਸ਼ੀਰਵਾਦ ਲਿਆ। ਇਸ ਮੌਕੇ ’ਤੇ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਨੇ ਕਿਹਾ ਕਿ ਸਾਨੂੰ ਆਰਥਿਕ ਅਨਿਸ਼ਚਿਤਤਾ ਅਤੇ ਗੰਭੀਰ ਸੰਸਾਰਕ ਹਾਲਾਤ ਦੇ ਦੌਰ ਵਿਚ ਨਿੱਜੀ ਨਿਵੇਸ਼ ਦੀ ਜ਼ਰੂਰਤ ਹੈ। ਅਸੀਂ ਭਾਰਤ ਦੇ ਵਿਕਾਸ ਅਤੇ ਪ੍ਰਗਤੀ ਵਿਚ ਸਾਂਝੀਦਾਰ ਦੇ ਤੌਰ ’ਤੇ ਪ੍ਰਵਾਸੀ ਭਾਰਤੀਆਂ ਨਾਲ ਚੰਗੇ ਰਿਸ਼ਤੇ ਬਣਾਈ ਰੱਖਾਂਗੇ। 



 

 

ਬਾਦਲ ਵੱਲੋਂ ਲੰਬੀ ਤੋਂ ਕਾਗਜ਼ ਦਾਖ਼ਲ

ਮਲੋਟ, 10 ਜਨਵਰੀ (ਅਵਤਾਰ ਸਿੰਘ ਕੈਂਥ)- ਸ਼੍ਰੋਮਣੀ ਅਕਾਲੀ ਦਲ (ਬ) ਤੇ ਭਾਜਪਾ ਦੇ ਸਾਂਝੇ ਉਮੀਦਵਾਰ ਸ: ਪ੍ਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਨੇ ਲੰਬੀ ਤੋਂ ਅੱਜ ਆਪਣੇ ਕਾਗਜ਼ ਦਾਖ਼ਲ ਕੀਤੇ। ਉਹ ਆਪਣੇ ਸਪੁੱਤਰ ਸੁਖਬੀਰ ਸਿੰਘ ਬਾਦਲ ਤੇ ਨੂੰਹ ਹਰਸਿਮਰਤ ਕੌਰ ਬਾਦਲ ਤੋਂ ਇਲਾਵਾ ਪਰਿਵਾਰਕ ਮੈਂਬਰਾਂ ਪਰਮਜੀਤ ਸਿੰਘ ਬਾਦਲ, ਭੂਪ ਬਾਦਲ ਤੇ ਅਕਾਲੀ ਆਗੂਆਂ ਨਾਲ ਕਾਗਜ਼ ਭਰਨ ਲਈ ਆਏ। ਉਨ੍ਹਾਂ ਆਪਣੇ ਕਾਗਜ਼ ਚੋਣ ਅਧਿਕਾਰੀ ਸੰਦੀਪ ਰਿਸ਼ੀ ਦੇ ਦਫ਼ਤਰ ਦਿੱਤੇ। ਬਾਦਲ ਦੇ ਕਵਰਿੰਗ ਉਮੀਦਵਾਰ ਵਜੋਂ ਕਾਗਜ਼ ਉਨ੍ਹਾਂ ਦੀ ਨੂੰਹ ਹਰਸਿਮਰਤ ਕੌਰ ਬਾਦਲ ਨੇ ਦਾਖ਼ਲ ਕੀਤੇ। ਇਸ ਮੌਕੇ ਸ: ਬਾਦਲ ਨੇ ਸੰਵਿਧਾਨ ਦੀ ਪਾਲਣਾ ਕਰਨ 'ਤੇ ਦੇਸ਼ ਦੀ ਅਖੰਡਤਾ ਪ੍ਰਤੀ ਵਚਨਬੱਧਤਾ ਦੀ ਸਹੁੰ ਖਾਧੀ। ਉਨ੍ਹਾਂ ਇਸ ਮੌਕੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਕੋਲ 5 ਕਰੋੜ 54 ਲੱਖ ਦੀ ਸੰਪਤੀ ਹੈ। ਉਨ੍ਹਾਂ ਕੋਲ ਕੋਈ ਕਾਰ ਨਹੀਂ ਹੈ ਨਾ ਹੀ ਉਨ੍ਹਾਂ ਨੇ ਕਿਸੇ ਦਾ ਕੋਈ ਕਰਜ਼ਾ ਦੇਣਾ ਹੈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਕੋਲ 4 ਥਾਵਾਂ 'ਤੇ ਘਰ ਹਨ, ਜੋ ਪਿੰਡ ਬਾਦਲ, ਸਾਦੁਲ ਸ਼ਹਿਰ, ਬਾਲਾਸਰ ਤੇ ਸਿਰਸਾ ਵਿਚ ਸਥਿਤ ਹਨ। ਉਨ੍ਹਾਂ ਨੂੰ ਖੇਤੀਬਾੜੀ (ਫੁਹਾਰਾ) ਤੋਂ 25.56 ਲੱਖ ਦੀ ਸਾਲਾਨਾ ਆਮਦਨ, 1 ਕਰੋੜ 47 ਲੱਖ ਦੇ ਬੌਂਡ, 3.42 ਲੱਖ ਦੇ ਗਹਿਣੇ, 4.80 ਲੱਖ ਦੀ ਖੇਤੀਬਾੜੀ ਤੋਂ ਆਮਦਨ, 23.28 ਲੱਖ ਰੁਪਏ ਵਪਾਰਕ ਅਦਾਰਿਆਂ ਤੋਂ ਆਮਦਨ ਹੁੰਦੀ ਹੈ। ਕਿਲਿਆਂਵਾਲੀ ਵਿਖੇ ਉਨ੍ਹਾਂ ਦੇ ਥਾਂ ਵਿਚ ਇਕ ਬੈਂਕ ਵੀ ਹੈ। ਸ: ਬਾਦਲ ਨੇ ਬੀ. ਏ. ਤੱਕ ਦੀ ਪੜ੍ਹਾਈ ਲਾਹੌਰ ਸ਼ਹਿਰ (ਪਾਕਿਸਤਾਨ) ਤੋਂ ਕੀਤੀ ਹੋਈ ਹੈ। ਕਾਗਜ਼ ਭਰਨ ਸਮੇਂ ਉਨ੍ਹਾਂ ਦੇ ਨਾਲ ਜ: ਦਿਆਲ ਸਿੰਘ ਕੋਲਿਆਂਵਾਲੀ, ਚੇਅਰਮੈਨ ਤੇਜਿੰਦਰ ਸਿੰਘ ਮਿੱਡੂ ਖੇੜਾ, ਪ੍ਰਧਾਨ ਇਕਬਾਲ ਸਿੰਘ ਤਰਮਾਲਾ, ਚੇਅਰਮੈਨ ਨਿਸ਼ਾਨ ਸਿੰਘ ਮਨੀਆਂਵਾਲਾ, ਅਵਤਾਰ ਸਿੰਘ ਵਣਵਾਲਾ, ਹਰਬਿੰਦਰ ਸਿੰਘ ਡੱਬਵਾਲੀ ਮਲਕੋ, ਵਕੀਲ ਸ: ਗੁਰਮੀਤ ਸਿੰਘ ਮਾਨ, ਡਾ. ਓਮ ਪ੍ਰਕਾਸ਼ ਸ਼ਰਮਾ ਬਠਿੰਡਾ ਤੋਂ ਇਲਾਵਾ ਜ਼ਿਲ੍ਹਾ ਪ੍ਰਧਾਨ ਬੀਬੀ ਵੀਪਾਲ ਕੌਰ ਤਰਮਾਲਾ, ਪ੍ਰਧਾਨ ਦਲਜੀਤ ਸਿੰਘ ਮਾਹਣੀ ਖੇੜਾ ਤੇ ਹੋਰ ਆਗੂ ਹਾਜ਼ਰ ਸਨ।

ਜੇ ਮੁੱਖ ਮੰਤਰੀ ਕੋਲ ਸਾਢੇ ਚਾਰ ਲੱਖ ਰੁਪਏ ਹੈ ਨਗਦ ਤਾਂ ਔਰਬਿਟ ਅਤੇ ਡੱਬਵਾਲੀ ਟਰਾਂਸਪੋਰਟ ਕਿਸ ਦੀ?
ਮੁੱਖ ਮੰਤਰੀ ਕੋਲ ਇੱਕ ਟਰੈਕਟਰ ਤੇ ਸਾਢੇ ਛੇ ਕਰੋੜ ਰੁਪਏ ਦੀ ਹੈ ਸੰਪੱਤੀ

ਬਠਿੰਡਾ 10 ਜਨਵਰੀ (ਅਵਤਾਰ ਸਿੰਘ ਕੈਂਥ): ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਵਿਧਾਨ ਸਭਾ ਚੋਣਾਂ ਲਈ ਅੱਜ ਆਪਣੇ ਨਾਮਜਦਗੀ ਪੱਤਰ ਮਲੋਟ ਵਿਖੇ ਦਾਖਲ ਕੀਤੇ ਤੇ ਉਹਨਾਂ ਕਾਗਜ਼ਾਂ ਵਿੱਚ ਸ.ਬਾਦਲ ਨੇ ਆਪਣੀ ਪ੍ਰੋਪਰਟੀ ਦਾ ਪੂਰਾ ਵੇਰਵਾ ਦਿੱਤਾ ਗਿਆ ਜਿਸ ਵਿੱਚ ਉਹਨਾਂ ਹੈਰਾਨੀਜਨਕ ਤੱਥ ਸਾਹਮਣੇ ਲਿਆਂਦੇ ਜਿਸ ਵਿੱਚ ਉਹਨਾਂ ਦੱਸਿਆ ਕਿ ਉਹਨਾਂ ਕੋਲ ਸਾਢੇ ਚਾਰ ਲੱਖ ਰੁਪਏ ਨਗਦ ਹਨ, 7,17,819 ਰੁਪਏ ਵੱਖ ਵੱਖ 10 ਬੈਂਕਾਂ ਵਿੱਚ ਜਮਾਂ ਹਨ, 1 ਕਰੋੜ 47 ਲੱਖ ਰੁਪਏ ਦੇ ਬੋਂਡ ਸ਼ੇਅਰ ਹਨ, 76,02,072 ਰੁਪਏ ਦਾ ਲੈਣ ਦੇਣ ਕੀਤਾ ਹੈ, 3 ਲੱਖ 25 ਹਜਾਰ ਰੁਪਏ ਦਾ ਇੱਕ ਟਰੈਕਟਰ , 3 ਲੱਖ 42 ਹਜਾਰ ਰੁਪਏ ਦੇ ਗਹਿਣੇ, 4 ਕਰੋੜ 80 ਲੱਖ 63 ਹਜਾਰ ਰੁਪਏ ਦੀ ਬਾਲਾਸਰ, ਰਾਜਸਥਾਨ, ਹਰਿਆਣਾ ਤੇ ਪੰਜਾਬ ਵਿੱਚ ਵੱਖ ਵੱਖ ਥਾਈਂ ਜਮੀਨ ਹੈ 23.25 ਲੱਖ ਰੁਪਏ ਦੀਆ ਦੁਕਾਨਾਂ, 50 ਲੱਖ ਰੁਪਏ ਦਾ ਰਿਹਾਇਸ਼ੀ ਮਕਾਨ ਹੈ ਤੇ ਹੋਰ ਕੀਮਤੀ ਸਮਾਨ ਲਾਕੇ ਕੁੱਲ ਕੀਮਤ 6 ਕਰੋੜ 75 ਲੱਖ ਰੁਪਏ ਦੀ ਸੰਪੱਤੀ ਦੇ ਮੁੱਖ ਮੰਤਰੀ ਸਾਹਿਬ ਮਾਲਕ ਹਨ। ਦੂਸਰੇ ਪਾਸੇ ਉਹਨਾਂ ਦੇ ਪੁੱਤਰ ਸੁਖਬੀਰ ਬਾਦਲ ਕੋਲ ਵੀ ਕੁੱਲ ਮਿਲਾ ਕੇ 20 ਕੁ ਕਰੋੜ ਰੁਪਏ ਦੀ ਪ੍ਰੋਪਰਟੀ ਬਣਦੀ ਹੈ ਤੇ ਉਹਨਾਂ ਦੀ ਨੂੰਹ ਕੋਲ ਵੀ 10 ਕਰੋੜ ਰੁਪਏ ਦੀ ਪ੍ਰੋਪਰਟੀ ਬਣਦੀ ਹੈ ਤੇ ਜੇਕਰ ਬਾਦਲ ਪਰਿਵਾਰ ਕੋਲ ਸਿਰਫ ਐਨੀ ਹੀ ਪ੍ਰੋਪਰਟੀ ਹੈ ਤਾਂ ਫਿਰ ਪੰਜਾਬ ਵਿੱਚ ਚਲਦੀਆਂ ਔਰਬਿਨ ਤੇ ਡੱਬਵਾਲੀ ਟਰਾਂਸਪੋਰਟ ਦੀਆਂ ਬੱਸਾਂ ਕਿਸ ਦੀਆਂ ਹਨ? ਕਿਉਂਕਿ ਬਾਦਲ ਪਰਿਵਾਰ ਵੱਲੋਂ ਆਪਣੇ ਪ੍ਰੋਪਰਟੀ ਦੇ ਵੇਰਵਿਆਂ ਵਿੱਚ ਉਕਤ ਟਰਾਂਸਪੋਰਟਾਂ ਦਾ ਕੋਈ ਜਿਕਰ ਨਹੀਂ ਕੀਤਾ ਗਿਆ। ਉਥੇ ਹੀ ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਪ੍ਰਧਾਨ ਮਨਪ੍ਰੀਤ ਬਾਦਲ ਨੇ ਵੀ ਅੱਜ ਆਪਣੀ ਸੰਪੱਤੀ ਦਾ ਬਿਓਰਾ ਹਲਕਾ ਗਿੱਦੜਬਾਹਾ ਅਤੇ ਬਠਿੰਡਾ ਵਿਖੇ ਦਿੱਤਾ ਗਿਆ ਜਿਸ ਵਿੱਚ ਉਹਨਾਂ ਦੱਸਿਆ ਕਿ ਉਹਨਾਂ ਦੀ ਸਲਾਨਾ ਆਮਦਨ 58 ਲੱਖ ਰੁਪਏ ਹੈ ਤੇ ਉਹਨਾਂ ਕੋਲ ਡੇਢ ਲੱਖ ਰੁਪਏ ਕੈਸ਼, 1 ਕਰੋੜ 25 ਲੱਖ ਰੁਪਏ ਦੀਆਂ 11 ਗੱਡੀਆਂ, 21.87 ਲੱਖ ਰੁਪਏ ਦੀ ਜਮੀਨ, 2.41 ਕਰੋੜ ਰੁਪਏ ਦਾ ਲੋਨ ਤੇ 1 ਸਿਨੇਮਾ ਘਰ ਵਿੱਚ 10 ਲੱਖ ਰੁਪਏ ਦਾ ਸ਼ੇਅਰ ਤੇ 3 ਅਸਲੇ ਹਨ। ਪੰਜਾਬ ਦਾ ਭਵਿੱਖ ਸਵਾਰਨ ਵਾਲੇ ਬਾਦਲ ਪਰਿਵਾਰ ਦੇ ਪ੍ਰੋਪਰਟੀ ਦੇ ਵੇਰਵੇ ਤੋਂ ਲੱਗਦਾ ਹੈ ਕਿ ਬਾਦਲ ਪਰਿਵਾਰ ਵੀ ਆਮ ਵਿਅਕਤੀਆਂ ਦੀ ਤਰ੍ਹਾਂ ਹੀ ਲੱਖਪਤੀ ਜਾਂ ਕਰੋੜਪਤੀ ਹੈ ?
 

ਪੰਜਾਬ ਸਮੇਤ ਉੱਤਰੀ ਭਾਰਤ 'ਚ ਹੱਡ-ਚੀਰਵੀਂ ਠੰਢ
ਅੰਮ੍ਰਿਤਸਰ ਠਰਿਆ

ਚੰਡੀਗੜ੍ਹ, 10 ਜਨਵਰੀ (ਕੁਲਵੰਤ ਗਿੱਲ)-ਬਰਫੀਲੀਆਂ ਹਵਾਵਾਂ ਚੱਲਣ ਕਾਰਨ ਪੰਜਾਬ ਅਤੇ ਗੁਆਂਢੀ ਸੂਬੇ ਹਰਿਆਣਾ 'ਚ ਕੜਾਕੇ ਦੀ ਸਰਦੀ ਪੈ ਰਹੀ ਹੈ ਅਤੇ ਅੰਮ੍ਰਿਤਸਰ ਵਿਚ ਅੱਜ ਇਸ ਮੌਸਮ ਦਾ ਸਭ ਤੋਂ ਘੱਟ ਤਾਪਮਾਨ ਮਨਫ਼ੀ ਦੋ ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਮੌਸਮ ਵਿਭਾਗ ਦਾ ਕਹਿਣਾ ਕਿ ਅੰਮ੍ਰਿਤਸਰ ਦਾ ਤਾਪਮਾਨ ਸਧਾਰਨ ਨਾਲੋਂ ਪੰਜ ਡਿਗਰੀ ਸੈਲਸੀਅਸ ਘੱਟ ਹੈ। ਪਿਛਲੇ ਸਾਲ 30 ਦਸੰਬਰ ਨੂੰ ਅੰਮ੍ਰਿਤਸਰ ਦਾ ਤਾਪਮਾਨ ਮਨਫ਼ੀ 2.1 ਡਿਗਰੀ ਸੈਲਸੀਅਸ ਸੀ ਜਦਕਿ 27 ਦਸੰਬਰ ਨੂੰ ਮਨਫ਼ੀ 1.6 ਡਿਗਰੀ ਸੀ। ਲੁਧਿਆਣਾ ਦਾ ਘੱਟ ਘੱਟ ਤਾਪਮਾਨ 3.8 ਅਤੇ ਪਟਿਆਲਾ ਦਾ 4 ਡਿਗਰੀ ਸੈਲਸੀਅਸ ਰਿਹਾ ਜਿਹੜਾ ਸਧਾਰਨ ਨਾਲੋਂ ਦੋ ਡਿਗਰੀ ਸੈਲਸੀਅਸ ਘੱਟ ਸੀ। ਚੰਡੀਗੜ੍ਹ ਵਿਚ ਅੱਜ ਅਸਮਾਨ ਸਾਫ ਸੀ ਪਰ ਰਾਤ ਦਾ ਤਾਪਮਾਨ ਘਟ ਕੇ 4.6 ਡਿਗਰੀ ਸੈਲਸੀਅਸ ਰਹਿ ਗਿਆ। ਹਰਿਆਣਾ ਵਿਚ ਹਿਸਾਰ ਅਤੇ ਰੋਹਤਕ ਦਾ ਤਾਪਮਾਨ ਮਨਫ਼ੀ 1.7 ਡਿਗਰੀ ਸੈਲਸੀਅਸ ਰਿਹਾ ਜਿਹੜਾ ਸਧਾਰਨ ਨਾਲੋਂ ਪੰਜ ਡਿਗਰੀ ਸੈਲਸੀਅਸ ਘੱਟ ਸੀ।

ਮੌਸਮ ਵਿਭਾਗ ਦਾ ਕਹਿਣਾ ਕਿ ਅਗਲੇ ਦੋ ਦਿਨਾਂ ਦੌਰਾਨ ਠੰਢ ਤੋਂ ਰਾਹਤ ਮਿਲਣ ਦੀ ਸੰਭਾਵਨਾ ਨਹੀਂ। ਰਾਜਧਾਨੀ ਦਿੱਲੀ ਵਿਚ ਵੀ ਜ਼ਬਰਦਸਤ ਸਰਦੀ ਪੈ ਰਹੀ ਹੈ ਅਤੇ ਉਥੇ ਘੱਟੋ ਘੱਟ ਤਾਪਮਾਨ ਪੰਜ ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਇਸੇ ਦੌਰਾਨ ਉੱਤਰਾਖੰਡ ਦੀ ਰਾਜਧਾਨੀ ਡੇਹਰਾਦੂਨ ਵਿਚ ਲਗਪਗ 60 ਸਾਲ ਬਾਅਦ ਬਰਫ਼ਬਾਰੀ ਹੋ ਰਹੀ ਹੈ ਜਦਕਿ ਨੈਨੀਤਾਲ ਵਿਚ ਸੈਲਾਨੀ ਬਰਫ਼ਬਾਰੀ ਦਾ ਅਨੰਦ ਮਾਣ ਰਹੇ ਹਨ ਅਤੇ ਸਾਰਾ ਸ਼ਹਿਰ ਬਰਫ ਦੀ ਚਿੱਟੀ ਚਾਦਰ ਹੇਠ ਢਕਿਆ ਹੋਇਆ ਹੈ।


ਪੰਜਾਬ 'ਚ ਚੋਣਾਂ ਲਈ ਕੇਂਦਰੀ ਸੁਰੱਖਿਆ ਬਲਾਂ ਦੀ ਤਾਇਨਾਤੀ ਸ਼ੁਰੂ
ਅੱਜ ਕੁੱਲ 277 ਨਾਮਜ਼ਦਗੀ ਕਾਗਜ਼ ਹੋਏ ਦਾਖ਼ਲ
ਚੰਡੀਗੜ੍ਹ, 10 ਜਨਵਰੀ-(ਕੁਲਵੰਤ ਗਿੱਲ)ਪੰਜਾਬ ਵਿਚ ਚੋਣ ਅਮਲ ਸ਼ੁਰੂ ਹੋਣ ਨਾਲ ਰਾਜ ਵਿਚ ਚੋਣਾਂ ਦੌਰਾਨ ਸੁਰੱਖਿਆ ਪ੍ਰਬੰਧਾਂ ਲਈ ਕੇਂਦਰੀ ਸੁਰੱਖਿਆ ਬਲਾਂ ਦੀ ਆਮਦ ਵੀ ਸ਼ੁਰੂ ਹੋ ਗਈ ਹੈ। ਅੱਜ ਰਾਤ ਤੱਕ ਪੰਜਾਬ ਵਿਚ ਕੇਂਦਰੀ ਸੁਰੱਖਿਆ ਬਲਾਂ ਦੀਆਂ ਕੋਈ 125 ਕੰਪਨੀਆਂ ਪੁੱਜ ਚੁੱਕੀਆਂ ਸਨ, ਜਦੋਂਕਿ ਜੰਮੂ-ਕਸ਼ਮੀਰ ਅਤੇ ਕੁਝ ਹੋਰ ਖੇਤਰਾਂ ਤੋਂ ਕੇਂਦਰੀ ਸੁਰੱਖਿਆ ਬਲਾਂ ਦੀਆਂ ਕੋਈ 100 ਹੋਰ ਕੰਪਨੀਆਂ ਵੀ ਪੰਜਾਬ ਲਈ ਰਵਾਨਾ ਹੋ ਚੁੱਕੀਆਂ ਹਨ, ਜੋ ਅਗਲੇ 2 ਦਿਨਾਂ ਤੱਕ ਪੰਜਾਬ ਪੁੱਜ ਜਾਣਗੀਆਂ। ਚੋਣ ਕਮਿਸ਼ਨ ਵੱਲੋਂ ਸੂਚਨਾ ਅਨੁਸਾਰ ਨਕਦੀ ਅਤੇ ਨਸ਼ਿਆਂ ਆਦਿ ਦੀ ਜਾਂਚ ਲਈ ਲਗਾਏ ਜਾ ਰਹੇ ਨਾਕਿਆਂ 'ਤੇ ਪੰਜਾਬ ਪੁਲਿਸ ਦੇ ਨਾਲ ਕੇਂਦਰੀ ਸੁਰੱਖਿਆ ਬਲ ਤਾਇਨਾਤ ਕਰਨ ਦਾ ਮਾਮਲਾ ਵੀ ਵਿਚਾਰਿਆ ਜਾ ਰਿਹਾ ਹੈ ਅਤੇ ਕਮਿਸ਼ਨ ਵੱਲੋਂ ਤਾਇਨਾਤ ਨਿਗਰਾਨਾਂ ਨੂੰ ਕਿਹਾ ਗਿਆ ਹੈ, ਕਿ ਜਿਥੇ ਕਿਤੇ ਉਨ੍ਹਾਂ ਵੱਲੋਂ ਕੇਂਦਰੀ ਸੁਰੱਖਿਆ ਬਲਾਂ ਦੀ ਤਾਇਨਾਤੀ ਦੀ ਲੋੜ ਮਹਿਸੂਸ ਕੀਤਾ ਜਾਵੇ, ਉਹ ਕੇਂਦਰੀ ਬਲ ਤਾਇਨਾਤ ਕਰ ਸਕਦੇ ਹਨ। ਕੇਂਦਰੀ ਸੁਰੱਖਿਆ ਬਲਾਂ ਦੀ ਇਸ ਨਫਰੀ ਨੂੰ ਆਉਂਦੇ ਦਿਨਾਂ ਦੌਰਾਨ ਹੋਣ ਵਾਲੀਆਂ ਰੈਲੀਆਂ ਦੇ ਸੁਰੱਖਿਆ ਪ੍ਰਬੰਧਾਂ ਅਤੇ ਚੋਣਾਂ ਨਾਲ ਸਬੰਧਤ ਦੂਜੇ ਪ੍ਰੋਗਰਾਮਾਂ 'ਤੇ ਵੀ ਤਾਇਨਾਤ ਕੀਤਾ ਜਾਵੇਗਾ। ਇਸੇ ਦੌਰਾਨ ਅੱਜ ਰਾਜ ਭਰ ਵਿਚ ਕੋਈ 277 ਉਮੀਦਵਾਰਾਂ ਵੱਲੋਂ ਨਾਮਜ਼ਦਗੀਆਂ ਲਈ ਕਾਗਜ਼ ਦਾਖਲ ਕੀਤੇ ਗਏ। ਅੱਜ ਨਾਮਜ਼ਦਗੀ ਕਾਗਜ਼ ਦਾਖ਼ਲ ਕਰਨ ਵਾਲਿਆਂ ਵਿਚ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ ਅਕਾਲੀ ਦਲ ਉਮੀਦਵਾਰ ਵਜੋਂ ਲੰਬੀ ਹਲਕੇ ਤੋਂ ਕਾਗਜ਼ ਦਾਖਲ ਕੀਤੇ ਗਏ, ਜਦੋਂਕਿ ਉਨ੍ਹਾਂ ਦੀ ਨੂੰਹ ਬੀਬੀ ਹਰਸਿਮਰਤ ਕੌਰ ਬਾਦਲ ਨੂੰ ਕਵਰਿੰਗ ਉਮੀਦਵਾਰ ਵਜੋਂ ਕਾਗਜ਼ ਦਾਖਲ ਕੀਤੇ। ਪਟਿਆਲਾ ਸ਼ਹਿਰ ਤੋਂ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਵੀ ਅੱਜ ਆਪਣੇ ਕਾਗਜ਼ ਦਾਖਲ ਕੀਤੇ ਗਏ, ਜਦੋਂਕਿ ਪਟਿਆਲਾ ਦਿਹਾਤੀ ਤੋਂ ਅਕਾਲੀ ਉਮੀਦਵਾਰ ਕੁਲਦੀਪ ਕੌਰ ਟੌਹੜਾ, ਫਗਵਾੜਾ ਤੋਂ ਭਾਜਪਾ ਉਮੀਦਵਾਰ ਸੋਮ ਪ੍ਰਕਾਸ਼, ਗੁਰਦਾਸਪੁਰ ਤੋਂ ਕਾਂਗਰਸ ਉਮੀਦਵਾਰ ਰਮਨ ਬਹਿਲ ਅਤੇ ਅਕਾਲੀ ਉਮੀਦਵਾਰ ਗੁਰਬਚਨ ਸਿੰਘ ਬੱਬੇਹਾਲੀ, ਖੰਨਾ ਤੋਂ ਕਾਂਗਰਸ ਦੇ ਗੁਰਕੀਰਤ ਸਿੰਘ ਅਤੇ ਫਾਜ਼ਿਲਕਾ ਤੋਂ ਕਾਂਗਰਸ ਦੇ ਹੀ ਡਾ. ਮਹਿੰਦਰ ਕੁਮਾਰ ਰਿਵਣਾਂ ਤੋਂ ਇਲਾਵਾ ਹਲਕਾ ਡੇਰਾਬਸੀ ਤੋਂ ਅਕਾਲੀ ਦਲ ਦੇ ਐਨ. ਕੇ. ਸ਼ਰਮਾ, ਅਮਲੋਹ ਤੋਂ ਕਾਂਗਰਸ ਦੇ ਰਣਦੀਪ ਸਿੰਘ ਅਤੇ ਖੇਮਕਰਨ ਤੋਂ ਕਾਂਗਰਸ ਦੇ ਗੁਰਚੇਤ ਸਿੰਘ ਭੁੱਲਰ ਤੋਂ ਇਲਾਵਾ ਹਲਕਾ ਸੰਗਰੂਰ ਤੋਂ ਅਕਾਲੀ ਉਮੀਦਵਾਰ ਪ੍ਰਕਾਸ਼ ਚੰਦ ਗਰਗ, ਦਿੜ੍ਹਬਾ ਤੋਂ ਅਕਾਲੀ ਉਮੀਦਵਾਰ ਸੰਤ ਬਲਬੀਰ ਸਿੰਘ ਘੁੰਨਸ, ਸੁਨਾਮ ਤੋਂ ਕਾਂਗਰਸ ਉਮੀਦਵਾਰ ਅਮਨ ਅਰੋੜਾ ਅਤੇ ਭੁੱਚੋ ਤੋਂ ਕਾਂਗਰਸ ਉਮੀਦਵਾਰ ਅਜਾਇਬ ਸਿੰਘ ਭੱਟੀ ਅਤੇ ਬੁਢਲਾਡਾ ਤੋਂ ਅਕਾਲੀ ਉਮੀਦਵਾਰ ਚਤਿੰਨ ਸਿੰਘ ਸਮਾਓਂ ਅਤੇ ਲੁਧਿਆਣਾ ਦੱਖਣੀ ਤੋਂ ਅਕਾਲੀ ਉਮੀਦਵਾਰ ਹਾਕਮ ਸਿੰਘ ਗਿਆਸਪੁਰਾ ਅਤੇ ਹਲਕਾ ਗਿੱਲ ਰਾਖਵਾਂ ਤੋਂ ਅਕਾਲੀ ਉਮੀਦਵਾਰ ਦਰਸ਼ਨ ਸਿੰਘ ਸ਼ਿਵਾਲਿਕ ਵੱਲੋਂ ਆਪਣੇ ਨਾਮਜ਼ਦਗੀ ਕਾਗਜ਼ ਦਾਖਲ ਕੀਤੇ ਗਏ। ਅੱਜ ਕਪੂਰਥਲਾ ਤੋਂ 11, ਲੁਧਿਆਣਾ 'ਚ 23, ਮੁਕਤਸਰ 'ਚ 8, ਸੰਗਰੂਰ 'ਚ 9, ਫਾਜ਼ਿਲਕਾ 9, ਮੁਹਾਲੀ 'ਚ 3, ਜਲੰਧਰ ਤੋਂ 11, ਬਠਿੰਡਾ ਤੋਂ 10, ਤਰਨਤਾਰਨ ਤੋਂ 4, ਫਤਿਹਗੜ੍ਹ ਤੋਂ ਚਾਰ, ਮੋਗਾ ਤੋਂ 13, ਮਾਨਸਾ ਤੋਂ ਛੇ, ਪਠਾਨਕੋਟ ਤੋਂ 3, ਬਰਨਾਲਾ ਤੋਂ 2 ਨਾਮਜ਼ਦਗੀਆਂ ਦਾਖਲ ਕੀਤੀਆਂ ਗਈਆਂ। ਫਿਰੋਜ਼ਪੁਰ ਜ਼ਿਲ੍ਹੇ ਵਿਚ ਅੱਜ ਕਿਸੇ ਵੀ ਉਮੀਦਵਾਰ ਵੱਲੋਂ ਨਾਮਜ਼ਦਗੀ ਪੱਤਰ ਦਾਖਲ ਨਹੀਂ ਕੀਤੇ ਗਏ। ਰਾਜ ਦੀ ਮੁੱਖ ਚੋਣ ਅਧਿਕਾਰੀ ਕੁਸਮਜੀਤ ਸਿੱਧੂ ਨੇ ਅੱਜ ਇਥੇ ਪੱਤਰਕਾਰਾਂ ਨੂੰ ਦੱਸਿਆ ਕਿ 2 ਤੋਂ 4 ਜਨਵਰੀ ਤੱਕ 3 ਦਿਨਾਂ ਦੌਰਾਨ 2,61,000 ਨਵੇਂ ਵੋਟਰਾਂ ਵੱਲੋਂ ਵੋਟਾਂ ਬਣਾਉਣ ਲਈ ਅਰਜ਼ੀਆਂ ਦਿੱਤੀਆਂ ਗਈਆਂ, ਜਦੋਂਕਿ 64 ਪ੍ਰਵਾਸੀ ਭਾਰਤੀਆਂ ਵੱਲੋਂ ਵੋਟਰ ਬਣਨ ਲਈ ਅਰਜ਼ੀਆਂ ਪ੍ਰਾਪਤ ਹੋਈਆਂ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਭਾਰਤੀ ਚੋਣ ਕਮਿਸ਼ਨ ਵੱਲੋਂ ਇਸ ਵਾਰ ਉਮੀਦਵਾਰਾਂ ਨੂੰ 10 ਗੱਡੀਆਂ ਤੱਕ ਦਾ ਕਾਫਲਾ ਲੈ ਕੇ ਚੱਲਣ ਦੀ ਇਜ਼ਾਜ਼ਤ ਦਿੱਤੀ ਗਈ ਹੈ। ਉਨ੍ਹਾਂ ਸਿਆਸੀ ਪਾਰਟੀਆਂ ਨੂੰ ਆਪਣੇ 'ਸਟਾਰ ਪ੍ਰਚਾਰਕਾਂ' ਦੀ ਸੂਚੀ 12 ਜਨਵਰੀ ਤੱਕ ਦਿੱਤੇ ਜਾਣ ਲਈ ਕਿਹਾ ਅਤੇ ਦੱਸਿਆ ਕਿ ਸਿਹਤ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਨੂੰ ਕੈਮਿਸਟਾਂ 'ਤੇ ਕਰੜੀ ਨਿਗਾਹ ਰੱਖਣ ਲਈ ਕਿਹਾ ਹੈ ਤਾਂ ਜੋ ਵੋਟਾਂ ਦੌਰਾਨ ਨਸ਼ਿਆਂ ਦੀ ਵਰਤੋਂ ਰੋਕੀ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ 42 ਨਾਜਾਇਜ਼ ਹਥਿਆਰ ਜ਼ਬਤ ਕੀਤੇ ਗਏ, ਜਦੋਂਕਿ 1,63,122 ਲਾਇਸੰਸੀ ਹਥਿਆਰ ਜਮ੍ਹਾਂ ਕਰਵਾਏ ਗਏ ਹਨ ਅਤੇ 2,222 ਲੋਕਾਂ ਨੂੰ ਧਾਰਾ 107 (ਸ਼ਾਂਤੀ ਭੰਗ ਹੋਣ ਦਾ ਖਦਸ਼ਾ) ਅਧੀਨ ਨਾਮਜ਼ਦ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਖਰਚਾ ਨਿਗਰਾਨ ਟੀਮਾਂ ਵੱਲੋਂ 17,18, 40,000 ਰੁਪਏ ਦੀ ਰਾਸ਼ੀ ਬਰਾਮਦ ਕੀਤੀ ਗਈ ਹੈ, ਜਦੋਂਕਿ 2096 ਕਿਲੋ ਭੁੱਕੀ ਅਤੇ 7880 ਕਿਲੋ ਅਫੀਮ, 6340 ਗ੍ਰਾਮ ਹੈਰੋਇਨ ਅਤੇ 1552 ਗ੍ਰਾਮ ਸਮੈਕ ਬਰਾਮਦ ਕੀਤੀ ਗਈ ਹੈ।


ਹੁਣ ਮੁਕਾਬਲਾ ਅਕਾਲੀ ਭਾਜਪਾ ਗਠਜੋੜ ਤੇ 'ਆਜ਼ਾਦ ਕਾਂਗਰਸ' ਵਿਚਾਲੇ- ਸਿੱਧੂ

ਅਬੋਹਰ, 10 ਜਨਵਰੀ -ਹੁਣ ਚੋਣ ਮੁਕਾਬਲਾ ਅਕਾਲੀ-ਭਾਜਪਾ ਗਠਜੋੜ ਤੇ 'ਆਜ਼ਾਦ ਕਾਂਗਰਸ' ਭਾਵ ਬਾਗੀ ਦਰਮਿਆਨ ਹੀ ਰਹਿ ਗਿਆ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਭਾਜਪਾ ਸਾਂਸਦ ਤੇ ਕੌਮੀ ਜਨਰਲ ਸਕੱਤਰ ਨਵਜੋਤ ਸਿੰਘ ਸਿੱਧੂ ਵੱਲੋਂ ਅੱਜ ਅਬੋਹਰ ਵਿਚ ਪੱਤਰਕਾਰ ਸੰਮੇਲਨ ਦੌਰਾਨ ਕੀਤਾ। ਉਹ ਅੱਜ ਅਬੋਹਰ ਤੋਂ ਭਾਜਪਾ ਉਮੀਦਵਾਰ ਬੀਬੀ ਵਿਜੈ ਲਕਸ਼ਮੀ ਭਾਦੂ ਦੇ ਹੱਕ 'ਚ ਚੋਣ ਪ੍ਰਚਾਰ ਕਰਨ ਆਏ ਸਨ। ਉਨ੍ਹਾਂ ਕਿਹਾ ਕਿ ਸੂਬੇ ਵਿਚ 45 ਤੋਂ ਵੱਧ ਸੀਟਾਂ 'ਤੇ ਕਾਂਗਰਸ ਤੋਂ ਬਾਗੀ ਹੋ ਕੇ ਆਜ਼ਾਦ ਉਮੀਦਵਾਰ ਚੋਣ ਮੈਦਾਨ ਵਿਚ ਖੜ੍ਹੇ ਹੋ ਗਏ ਹਨ। ਇਨ੍ਹਾਂ ਕਾਰਨ ਸੂਬੇ ਵਿਚ ਕਾਂਗਰਸ ਸਰਕਾਰ ਆਉਣ ਦਾ ਤਾਂ ਸਵਾਲ ਹੀ ਪੈਦਾ ਨਹੀਂ ਹੁੰਦਾ। ਉਨ੍ਹਾਂ ਕਿਹਾ ਕਿ ਆਜ਼ਾਦੀ ਤੋਂ ਬਾਅਦ ਹੀ ਇਹ ਸਭ ਤੋਂ ਭ੍ਰਿਸ਼ਟ ਸਰਕਾਰ ਹੈ ਤੇ ਸ: ਮਨਮੋਹਨ ਸਿੰਘ ਭ੍ਰਿਸ਼ਟ ਸਰਕਾਰ ਦੇ ਇਮਾਨਦਾਰ ਪ੍ਰਧਾਨ ਮੰਤਰੀ ਹਨ। ਉਨ੍ਹਾਂ ਕਿਹਾ ਕਿ ਸੂਬੇ ਵਿਚ ਮੁੜ ਤੋਂ ਅਕਾਲੀ-ਭਾਜਪਾ ਸਰਕਾਰ ਬਣਨ ਦਾ ਰਾਜ ਸੂਬੇ ਦਾ ਵਿਕਾਸ ਹੈ ਜੋ ਕਿ ਅਕਾਲੀ-ਭਾਜਪਾ ਸਰਕਾਰ ਬੀਤੇ ਪੰਜ ਸਾਲ ਵਿਚ ਕਰਵਾਇਆ ਹੈ। ਇਸ ਮੌਕੇ ਅਬੋਹਰ ਤੋਂ ਭਾਜਪਾ ਉਮੀਦਵਾਰ ਬੀਬੀ ਵਿਜੈ ਲਕਸ਼ਮੀ ਭਾਦੂ, ਸੂਬਾ ਜਨਰਲ ਸਕੱਤਰ ਸੰਦੀਪ ਰਿਣਵਾ, ਸਾਬਕਾ ਵਿਧਾਇਕ ਡਾ: ਰਾਮ ਕੁਮਾਰ ਗੋਇਲ, ਜ਼ਿਲ੍ਹਾ ਪ੍ਰਧਾਨ ਅਰੁਣ ਨਾਰੰਗ, ਸਰਕਲ ਪ੍ਰਧਾਨ ਗੁਰਬੰਤਾ ਸਿੰਘ ਤੇ ਅਕਾਲੀ-ਭਾਜਪਾ ਆਗੂ ਹਾਜ਼ਰ ਸਨ।


ਅਕਾਲੀਆਂ ਨੇ 400 ’ਚੋਂ 40 ਵਾਅਦੇ ਵੀ ਪੂਰੇ ਨਹੀਂ ਕੀਤੇ : ਭੱਠਲ
ਹਲਕਾ ਸਾਹਨੇਵਾਲ ’ਚ ਅਕਾਲੀ ਦਲ ਨੂੰ ਝਟਕਾ, ਮਰਹੂਮ ਵਿਧਾਇਕ ਦੇ ਲੜਕੇ ਸਾਥੀਆਂ ਸਮੇਤ ਕਾਂਗਰਸ ’ਚ ਸ਼ਾਮਿਲ

ਸਾਹਨੇਵਾਲ , 10 ਜਨਵਰੀ (ਰਾਜਵੀਰ ਸਿੰਘ): ਵਿਰੋਧੀ ਧਿਰ ਦੀ ਨੇਤਾ ਤੇ ਸਾਬਕਾ ਮੁੱਖ ਮੰਤਰੀ ਬੀਬੀ ਰਜਿੰਦਰ ਕੌਰ ਭੱਠਲ ਨੇ ਕਿਹਾ ਕਿ ਵਿਕਾਸ ਦੀਆਂ ਟਾਹਰਾਂ ਮਾਰਨ ਵਾਲੇ ਅਕਾਲੀਆਂ ਨੇ ਵਿਧਾਨ ਸਭਾ ਚੋਣਾ ਦੌਰਾਨ ਚੋਣ ਮਨੇਰਥ ਪੱਤਰ ਦੇ ਵਿਚ ਲੋਕਾਂ ਨਾਲ 400 ਵਾਅਦੇ ਕੀਤੇ ਸਨ ਪਰ ਪੰਜ ਸਾਲਾਂ ਦੇ ਵਿਚ ਅਕਾਲੀ ਭਾਜਪਾ ਸਰਕਾਰ 40 ਵਾਅਦੇ ਵੀ ਪੂਰੇ ਨਹੀਂ ਕਰ ਸਕੀ। ਪਰ ਉਨ੍ਹਾਂ ਇਕ ਗੱਲ ਸਾਫ਼ ਸ਼ਬਦਾਂ ਦੇ ਵਿਚ ਕਹੀ ਕਿ ਕਾਂਗਰਸ ਆਪਣੇ ਚੋਣ ਮਨੋਰਥ ਪੱਤਰ ਦੇ ਵਿਚ ਉਹ ਹੀ ਵਾਅਦੇ ਕਰੇਗੀ। ਜੋ ਵਾਅਦੇ ਅਸੀਂ ਆਉਣ ਵਾਲੇ ਸਮੇਂ ਦੇ ਵਿਚ ਹਰ ਹਾਲਤ ਦੇ ਵਿਚ ਪੂਰੇ ਕਰਾਂਗੇ। ਸ਼੍ਰੀਮਤੀ ਭੱਠਲ ਨੇ ਉਪਰੋਕਤ ਪ੍ਰਗਟਾਵਾ ਪਿੰਡ ਜੰਡਿਆਲੀ ਵਿਖੇ ਸਾਬਕਾ ਅਕਾਲੀ ਵਿਧਾਇਕ ਸਵਰਗਵਾਸੀ ਧੰਨਰਾਜ ਸਿੰਘ ਗਿੱਲ ਦੇ ਗ੍ਰਹਿ ਵਿਖੇ ਭਰਵੇਂ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਜ ਸਾਲ ਦੇ ਵਿਚ ਸੂਬੇ ਅੰਦਰ ਜੋ ਵੀ ਵਿਕਾਸ ਹੋਇਆ ਹੈ। ਉਹ ਕੇਂਦਰ ਸਰਕਾਰ ਵੱਲੋਂ ਭੇਜੇ 1500 ਕਰੋੜ, ਨਰੇਗਾ ਸਕੀਮ ਤਹਿਤ ਭੇਜੇ 182 ਕਰੋੜ, ਸਰਵਸਿੱਖਿਆ ਅਭਿਆਨ ਦੇ ਤਹਿਤ ਭੇਜੇ ਫ਼ੰਡਾਂ ਅਤੇ ਹੋਰ ਕੇਂਦਰੀ ਗ੍ਰਾਂਟਾ ਦੇ ਨਾਲ ਹੀ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਹਲਕਾ ਸਾਹਨੇਵਾਲ ਤੋਂ ਉਨ੍ਹਾਂ ਦੇ ਦਾਮਾਦ ਵਿਕਰਮ ਸਿੰਘ ਬਾਜਵਾ ਚੋਣ ਲੜ ਰਹੇ ਹਨ। ਇਸ ਲਈ ਅੱਜ ਪੁਰਾਣੇ ਅਕਾਲੀਆਂ ਨੇ ਉਨ੍ਹਾ ਦੀ ਹਾਜ਼ਰੀ ਦੇ ਵਿਚ ਕਾਂਗਰਸ ਪਾਰਟੀ ਦੇ ਵਿਚ ਸ਼ਾਮਿਲ ਹੋ ਕੇ ਉਨ੍ਹਾਂ ਦੇ ਉਪੱਰ ਅਹਿਸਾਨ ਕੀਤਾ ਹੈ। ਉਹ ਹਲਕਾ ਸਾਹਨੇਵਾਲ ਦੇ ਲੋਕਾਂ ਦੀਆਂ ਦੁੱਖ ਤਕਲੀਫ਼ਾਂ ਨੂੰ ਪਹਿਲ ਦੇ ਅਧਾਰ ’ਤੇ ਹਲ ਕਰਵਾਉਣਗੇ। ਕਿਉਕਿ ਪੰਜਾਬੀ ਜਵਾਈ ਭਾਈ ਦੀ ਇੱਜਤ ਕਰਨ ਦੇ ਵਿਚ ਕੋਈ ਕਸਰ ਨਹੀਂ ਛੱਡਦੇ। ਆਪਣੇ ਸੰਬੋਧਨ ’ਚ ਵਿਕਰਮ ਸਿੰਘ ਬਾਜਵਾ ਨੇ ਕਿਹਾ ਕਿ ਹਲਕਾ ਸਾਹਨੇਵਾਲ